Tilmæli til leigjanda Múlaþings

Tilmælin á pdf formi

Mælst er til að leigjandi

• Kynni sér og fylgi Reglum Múlaþings vegna leiguíbúða sem vistaðar eru heimsíðu Múlaþings.
• Negli eða bori í veggi eins lítið og unnt er. Notast skal sem mest við vegglímborða eða aðrar lausnir sem eru viðurkenndar og valda sem minnstum skemmdum.
• Geymi aukalykil á vísum stað út í bæ, verði hann fyrir því óláni að læsa sig úti. Þurfi að gera aukalykil eða skipta um læsingu skal það greitt af leigjanda og afhent við leigulok.
• Loftræsti húsnæðið vel, með því að opna glugga reglulega svo lofti vel um öll rýmin.
• Haldi húsnæðinu hreinu og þrifalegu sem og sameign ef við á.
• Þrífi öll niðurföll, vatnslása og síur í vöskum og sturtu.
• Passi upp á að rakastig í húsnæðinu sé innan eðlilegra marka, sjá rakamælir í íbúð, 40%-70%.
• Sinni eðlilegu minniháttar viðhaldi eins og t.d.:
  • skipta um ljósaperur og batterí í reykskynjurum ef við á
  • kanna virkni reykskynjara og gildistíma slökkvitækis og tilkynni til Fasteignasviðs Múlaþings ef ábótavant.
  • Slá lóð og hirða garð, sé hann til staðar og leigjandi með einkanot á garðinum.
• Sé með virka heimilistryggingu.

Óheimilt er að

• Reykja innandyra.
• Fjarlægja fastan fylgibúnað eða bæta við slíkum nema með leyfi Fasteignasviðs Múlaþings. Dæmi um slíkan fylgibúnað er t.d. eldavélar og blöndunartæki.
• Mála veggi, innréttingar, hurðar eða annað sem fylgir húsnæðinu. Slíkt viðhald er á ábyrgð Fasteignasviðs Múlaþings.
• Gera hverskonar breytingar á húsnæði eða lóð án sérstaks leyfis þar um frá Fasteignasviði Múlaþings.

Verði tjón á húsnæðinu skal leigjandi tafarlaust tilkynna það til tryggingarfélagsins Vís í síma 560 5000 og senda greinagóðar upplýsingar um málið á netfangið tjon@mulathing.is

Fasteignasvið Múlaþings,
netfang: eignir@mulathing.is  og sími 4700700