Byggðaráð Múlaþings

Sveitarstjóri, sviðsstjóri fjármála og sviðsstjóri mannauðs og þjónustu fóru yfir og kynntu mál er varða rekstur og fjármál sveitarfélagsins.

Sveitarstjóri og sviðsstjóri fjármála fóru yfir stöðu við vinnu fjárhagsáætlunar Múlaþings 2027 og þriggja ára áætlunar 2028 til 2030 á grundvelli rammaáætlunar sem samþykkt var af sveitarstjórn 9. september 2026.

Fyrir byggðarráði liggur tíu ára fjárfestingaráætlun umhverfis- og framkvæmdasviðs.
Umhverfis- og framkvæmdaráð samþykkti fyrir sitt leyti áætlunina á 197. fundi sínum 26. október síðastliðinn, og vísaði fjárfestingaráætluninni til byggðarráðs til afgreiðslu.

Hugrún Hjálmarsdóttir sviðsstjóri framkvæmda situr fundinn undir þessum lið.

Fyrir liggur minnisblað frá verkefnastjóra atvinnumála og sviðstjóra framkvæmda um framtíðarfyrirkomulag tjaldsvæðisins á Seyðisfirði.

Hugrún Hjálmarsdóttir sviðsstjóri framkvæmda og Alda Marín Kristinsdóttir verkefnastjóri atvinnumála sitja fundinn undir þessum lið.

Fyrir liggur minnisblað sviðsstjóra stjórnsýslu um stöðu Sænautasels, en
samningur um leigu á staðnum rennur út 31. desember 2026.

Dagmar Ýr Stefánsdóttir sveitarstjóri vakti athygli á vanhæfi sínu í upphafi máls. Formaður bar vanhæfið upp til atkvæðagreiðslu. Ráðið samþykkti samhljóða að Dagmar Ýr væri vanhæf við umræður og afgreiðslu málsins. Dagmar Ýr vék af fundi við umræðu og afgreiðslu málsins.

Fyrir liggur að Húsnæðis-, mannvirkja- og skipulagsstofnun hefur birt drög að áætlun um eignamörk jarða á Norðaustur- og Austurlandi, þar á meðal fyrir 22 jarðir í eigu Múlaþings.

Fyrir liggur skýrslan Lestur er lýðheilsa: Könnun á viðhorfum starfsfólks bókasafns og sveitarfélaga til lestrarmenningar í sveitarfélögum landsins, gefin út af Félagi íslenskra bókaútgefenda.

Fyrir liggur til kynningar fundargerð 93. fundar stjórnar Samtaka sveitarfélaga á köldum svæðum frá 5. október 2026.

Fyrir liggja til kynningar fundargerðir 99., 100., og 101. fundar stjórnar Samtaka sjávarútvegssveitarfélaga frá 24. ágúst, 21. september og 2. október.