Fjölskylduráð Múlaþings

Lagt fram til kynningar.

Fyrir liggur styrkumsókn fyrir árið 2021 frá UMF Neista á Djúpavogi.

Fjölskylduráð leggur til að gerður verði samningur til eins árs við Ungmennafélagið Neista, í samræmi við fyrri styrki og ársreikninga félagsins.

Samþykkt samhljóða.

Fyrir liggja umsóknir um styrki til íþrótta-, velferðar- og menningarmála á Seyðisfirði fyrir árið 2021 sem vísað var til fjölskylduráðs.

Fjölskylduráð Múlaþings leggur til að gerðir verði samningar til eins árs við Íþróttafélagið Huginn, knattspyrnudeild Hugins og Golfklúbb Seyðisfjarðar.

Samþykkt samhljóða.

Lögð er fram beiðni frá yngri flokkum Hattar í knattspyrnu um lækkun aldurstakmarks í Héraðsþrek þannig að unglingar geti nýtt aðstöðuna frá upphafi skólaárs í 9. bekk.

Fjölskylduráð tekur jákvætt í erindið og felur íþrótta- og æskulýðsstjóra að vinna með forstöðufólki íþróttamannvirkja að samræmingu aldurstakmarka í íþróttamannvirki sveitarfélagsins.

Samþykkt samhljóða.

Lagðar eru fram reglur sem gilt hafa um hreyfi- og heilsueflingarstyrk starfsfólks Fljótsdalshéraðs.

Fjölskylduráð Múlaþings felur íþrótta- og æskulýðsstjóra að taka saman upplýsingar um áætlaðan kostnað fyrir stofnanir sveitarfélagsins við útvíkkun reglanna og leggja fyrir næsta fund ráðsins.

Fyrir liggja reglur um tómstundaframlag Fljótsdalshéraðs sem hefur verið í boði síðustu þrjú ár.

Fjölskylduráð leggur til að öll börn í Múlaþingi, 4-18 ára, fái 30.000 króna tómstundaframlag á árinu 2021 og verði reglur um tómstundaframlag Múlaþings útfærðar í samræmi við það.

Ráðið stefnir að því að finna enn frekari jafnræðisflöt á styrki til einstaklinga og íþróttafélaga fyrir árið 2022.

Samþykkt samhljóða.

Fjölskylduráð leggur til að í Múlaþingi verði frítt í sund fyrir börn upp að 18 ára aldri og fyrir aldraða og öryrkja. Þá stefnir ráðið að því að vinna að útfærslu gjaldskráa í íþróttamannvirki innan sveitarfélagsins.

Samþykkt samhljóða.

Frestað til næsta fundar.

Fjölskylduráð leggur til að um sinn verði ekki valið íþróttafólk sveitarfélagsins alls, en hvetur íþróttafélög á svæðinu til þess að hampa sínu fólki fyrir bæði góðan árangur á sviði sinna íþrótta en ekki síður fyrir að vera fyrirmyndir innan vallar og utan.

Samþykkt samhljóða.

Fyrir liggja ýmsir samningar við íþróttafélög í Múlaþingi.

Fjölskylduráð felur íþrótta- og æskulýðsstjóra að gera samninga til eins árs við eftirfarandi félög:
- Bogfimideild Skaust
- Íþróttafélagið Hött
- START
- LyftAust
- Skís
- Golfklúbb Fljótsdalshéraðs
- UMF Þrist

Samþykkt samhljóða.

Frestað til næsta fundar.

Fjölskylduráð samþykkir drög að erindisbréfi Öldungaráðs og vísar því til afgreiðslu sveitarstjórnar.

Samþykkt samhljóða.

Fjölskylduráð fagnar yfirlýsingu Aflsins um starfsemi þess á Austurlandi og felur félagsmálastjóra að vinna að frekari framgangi málsins í samstarfi við nágrannasveitarfélög. Samþykkt er að styðja Aflið á yfirstandandi ári um 500.000,- kr. sem bókast af lið 9160.

Samþykkt samhljóða.

Fjölskylduráð fagnar framkomnu farsældarfrumvarpi barna- og félagsmálaráðherra um bætta þjónustu í þágu barna með áherslu á snemmtæka og samþætta þjónustu við börn á æsku- og mótunarskeiði. Frumvarpið er í samræmi við vinnubrögð Austurlandslíkansins í Múlaþingi, Vopnarfjarðarhreppi og Fljótsdalshreppi og styður við frekari innleiðingu á því verklagi. Nýlega kynnti Haraldur L. Haraldsson hagrænan ávinning af innleiðingu laganna þar sem fram kom að ávinningur væri verulegur og þjóðhagslega hagkvæmur eftir tíu ára vinnu með nýju verklagi og nálgun í þjónustu og stuðningi við börn og barnafjölskyldur. Fjárhagslegur ávinningur til framtíðar er meiri í 2. og 3. stigs þjónustu sem er frekar á höndum ríkisins en kostnaður aftur á móti meiri hjá sveitarfélögum sem sinna frekar 1. stigs þjónustu í nánd við skjólstæðinga. Í kynningu Haraldar kom fram að hann áætlar að skipting kostnaðar milli ríkis og sveitarfélaga sé í samræmi við fjölda barna á grunnskólaaldri og yngri, um 80% barnafjöldans annars vegar er tilheyrir sveitarfélögum og hins vegar ungmenni á framhaldsskólaaldri í kringum 20% sem falli í hlut ríkisins. Við þessa skiptingu vill fjölskylduráð Múlaþings koma á framfæri eftirfarandi athugasemd. Af þeim hluta ungmenna á aldrinum 16-18 ára sem ekki eru lengur í grunnskóla, eru einstaklingar sem ekki sækja nám og eru jafnvel lítið félagslega virkir og þurfa mikla þjónustu og stuðning. Þessir einstaklingar að megninu til, fá þjónustu frá félagsþjónustum sveitarfélaga þar sem miklu er kostað til. Ráðið vill því beina þeim tilmælum til Barna- og félagsmálaráðuneytisins að kostnaðarskipting milli ríkis og sveitarfélaga verði heldur áætluð 85% og 15% sökum þessa og tekið tillit til þjónustu við þungan skjólstæðingahóp á viðkvæmum aldri.
Fjölskylduráð Múlaþings vill árétta mikilvægi þess að nýtt og bætt verklag verði vel fjármagnað svo hægt sé að ná fram félagslegum og hagrænum ávinningi í bráð og lengd. Fjármunir verða að koma frá ríkinu til sveitarfélaga svo innleiðing á nýrri löggjöf takist og verði sá ávinningur í raun sem að er stefnt.

Samþykkt samhljóða.

Frestað.

Frestað.