Fjölskylduráð Múlaþings

Undir þessum lið mæta Sigrún Hólm, verkefnastjóri mannauðs, og Brynja Birgisdóttir, mannauðs- og launafulltrúi. Þær kynna stöðu mannauðsmála á fjölskyldusviði.

Mennta- og barnamálaráðherra hefur kynnt til umsagnar í Samráðsgátt stjórnvalda drög að stefnu um farsæld barna til ársins 2035. Um er að ræða fyrstu heildarstefnu íslenskra stjórnvalda um málefni barna. Mennta- og barnamálaráðuneytið hvetur haghafa og aðra áhugasama um málefni barna að veita umsögn. Umsagnarfrestur er til og með 12. mars.

Fyrir liggur uppfærð gjaldskrá vegna fæðis leikskóla í Múlaþingi en samkvæmt bókun frá 121. fundi fjölskylduráðs var samþykkt að samræma gjaldskrár vegna fæðiskostnaðar leikskólabarna í Múlaþingi. Tekið er mið af núverandi gjaldskrá í leikskólum á Héraði. Með þessum breytingum lækkar kostnaður vegna fæðis í Bjarkatúni á Djúpavogi og leikskóladeild Seyðisfjarðarskóla. Gildistaka þessarar gjaldskrár er frá og með 1. ágúst 2025.

Fyrir liggur erindi frá Kraka Ásmundarsyni og Birnu Þórðardóttur, dagsett 29. jan. 2025. Í erindinu er óskað eftir skólaakstri fyrir börnin þeirra í Fellaskóla.

Lagt er fram til kynningar þær breytingar á aðalnámskrá grunnskóla sem tóku gildi 17. október 2024 og skulu vera komnar til framkvæmda við upphaf skólaárs 2025/2026.

Skýrsla fræðslustjóra er lögð fram til kynningar.