Fjölskylduráð Múlaþings

Fyrir afgreiðslu þessa dagskrárliðar vakti Guðmundur Bj. Hafþórsson athygli á mögulegu vanhæfi og var það samþykkt samhljóða.
Vék hann af fundi undir þessum lið.

Fyrir liggja umsóknir um íþrótta- og tómstundastyrki fjölskylduráðs sem auglýstir voru til umsóknar með umsóknarfrest til og með 15. mars 2023.

Fjölskylduráð leggur til að eftirfarandi verkefni verði styrkt:
- Pílufélag Múlþings, búnaður, umsækjandi Pílufélag Múlaþings, kr. 200.000
- Tecball borð, umsækjandi Ungmennafélagið Neisti, kr. 150.000
- Skíðagönguspor í Selskógi og á Fjarðarheiði, umsækjandi Skíðagöngudeild Skíðafélagsins í Stafdal, kr. 250.000
- Fjölskyldusirkushelgi í Fellabæ, umsækjandi Ungmennafélagið Þristur, kr. 200.000
- Dansnámskeið fyrir börn og fullorðna á Seyðisfirði, umsækjandi Julia Martin, kr. 200.000

Samþykkt samhljóða með handauppréttingu.

Lagt fram til kynningar.

Lagt fram til kynningar.

Þann 7. mars 2023 barst erindi frá Austurlistanum er varðar tillögu um að sveitarfélagið kaupi húsnæði björgunarsveitarinnar á Djúpavogi undir starfsemi dagdvalar og félagsstarf eldri borgara á Djúpavogi. Erindið var tekið fyrir í sveitarstjórn 16. mars s.l. þar sem því var vísað til afgreiðslu hjá fjölskylduráði.

Fjölskylduráð þakkar fyrir ábendingu Austurlistans og mun taka hana til skoðunar samhliða endurskoðun á þjónustu við eldri borgara á Djúpavogi.

Sveitarfélaginu hefur borist til umsagnar tillaga til þingsályktunar um upplýsingamiðlun um heimilisofbeldismál, 126. mál.

Lagt fram til kynningar.

Sveitarfélaginu hefur borist umsagnarbeiðni um breytingu á lögum um málefni innflytjenda og lögum um vinnumarkaðsaðgerðir (sameining Vinnumálastofnunar og Fjölmenningarseturs, þjónustustöðvar), 782. mál.

Lagt fram til kynningar.

Borist hefur erindi frá rótarýklúbbi Hérðasbúa dagsett 7. mars 2023. Klúbburinn, í samstarfi við starfsmenn félagsþjónustu, Austurbrú, Vinnumálastofnun og Rauða krossinn buðu flóttamönnum á Austurlandi í kynnisferð um fjórðunginn með fararstjórn. Leitar klúbburinn eftir stuðningi frá Múlaþingi um greiðslu kvöldmatar fyrir flóttamennina að upphæð 38.000,- kr.

Fjölskylduráð þakkar rótarýklúbbi Héraðsbúa fyrir vel heppnað framtak sem miðar að inngildingu flóttamanna í samfélagið. Samþykkt er að styrkja ofangreinda kynnisferð um 38.000,- kr. Tekið af lið 9160.

Félagsmálastjóri reifar málefni félagsþjónustu er helst hafa verið í brennidepli á umliðnum vikum.