Fjölskylduráð Múlaþings

Fjölskylduráð samþykkir að sama fyrirkomulag verði á sumarfrístund og í fyrra, opið frá 8. júní til og með 21. ágúst.

Samþykkt samhljóða með handauppréttingu.

Skíðafélagið í Stafdal hefur lagt fram umsögn og þakkar fjölskylduráð félaginu fyrir. Fjölskylduráð sér sér ekki fært um að fara lengra með málið að svo stöddu.

Samþykkt samhljóða með handauppréttingu.

Fjölskylduráð þakkar fyrir framlagt erindi en sér sér ekki fært að verða við því að svo stöddu. Ráðið áréttar að hlutverk sveitarfélagsins felst einkum í því að skapa aðstæður til hreyfingar og útivistar auk þess að veita þjónustu á fjölskyldusviði til þeirra sem eftir henni leita, í samræmi við gildandi lög og reglur.

Samþykkt með fimm atkvæðum, einn situr hjá (JHÞ) og einn á móti (ÁMS).

Fulltrúi V-lista leggur fram eftirfarandi bókun:
Fulltrúi VG telur að þó hlutverk sveitarfélagsins sé skilgreint í lögum felist raunverulegur styrkur þess einnig í því að ganga lengra og bjóða upp á þjónustu sem bætir lífsgæði íbúa og gerir sveitarfélagið að eftirsóknarverðum búsetukosti. Sveitarfélagið sinnir nú þegar fjölmörgum verkefnum sem ekki eru lögbundin, svo sem á sviði heilsueflingar, frístunda og samfélagsverkefna, enda er ljóst að slík þjónusta hefur jákvæð áhrif á vellíðan íbúa og aðdráttarafl svæðisins. Undirrituð telur eðlilegt að sá sami vilji nái einnig til nýbakaðra mæðra.

Ef markmið okkar er að laða að og halda í ungar fjölskyldur þarf Múlaþing að vera leiðandi í stuðningi við foreldra. Heilsuefling á fyrstu stigum foreldrahlutverksins er fjárfesting í velferð fjölskyldna og framtíð sveitarfélagsins.

Undirrituð mun áfram beita sér fyrir því að slík úrræði verði þróuð.
ÁMS.

Fjölskylduráð þakkar fyrir erindi Golfklúbbs Djúpavogs. Ráðið tekur jákvætt í erindið og felur sviðsstjóra að vinna málið áfram.

Samþykkt samhljóða með handauppréttingu.

Skýrsla lögð fram til kynningar.