Heimastjórn Djúpavogs

Fyrir liggur vinnslutillaga vegna breytinga á deiliskipulagi athafnasvæðis við Innri-Gleðivík á Djúpavogi. Breytingin er tilkomin vegna fyrirhugaðra framkvæmda við tengingu Víkurlands við Hringveginn og í samræmi við kröfur Vegagerðarinnar um gatnahönnun. Lóðamörk og tengingar hafa verið endurskoðaðar og tveimur lóðum bætt við.

Sótt um stöðuleyfi fyrir matsöluvagn.

Fyrir liggur til kynningar stjórnunar- og verndaráætlun og aðgerðaáætlun fyrir Teigarhorn.

Heimsatjórn hefur enn ekki fengið svör varðandi sölu prestbústaðar á Djúpavogi frá Austurlandsprófastsdæmi.

Lagt fram til kynningar drög að umsókn í Styrkvegasjóð 2026

Hitavatnsleit:
Beðið er eftir mælingabíl og starfsmönnum ISOR, en gert er ráð fyrir því að mæla þær holur sem nú þegar er búið að bora til að ákveða næstu skref.

Þjónustumiðstöð:
Viðræður eru í gangi milli Múlþings, Björgunarsveitinnar Báru og Rauðakrossdeildar Djúpavogs, um kaup á Sambúð fyrir þjónustumiðstöð. Einnig er gert ráð fyrir því að Djúpavogshöfn og HEF veitur verði með aðstöðu í húsinu.

Almenningssamgöngur:
Verið er að vinna umsókn til Byggðastofnunar, um framlag til almenningssamgangna milli Djúpavogs og Egilsstaða.

Hammondhátíð:
Búið er að gefa út dagskrá Hammondhátíðar og verið er að vinna í utanhátíðardaskrá.

Slökkvistöðin:
Verktaki hefur lokið við þann áfanga sem boðinn var út á síðasta ári og slökkvistöðin komin í fulla notkun. Gert er ráð fyrir að unnið verði í viðhaldi utanhúss í sumar.

Chittaslow:
Cittaslowráðið hefur fundað einu sinni það sem af er ári, verið er að vinna í undirbúningi fyrir Hammondhátiðina.

Starfsemin í Geysi:
Fulltrúi sveitarstjóra hefur sagt starfi sínu lausu frá og með síðustu mánaðarmótum, gert er ráð fyrir að auglýsa starfið sem fyrst.

Næsti fundur heimastjórnar Djúpavogs verður haldinn fimmtudaginn 9. apríl, í fjarfundi kl. 10:00. Erindi fyrir fundinn þurfa að berast starfsmanni heimastjórnar fyrir kl 16:00 föstudaginn 3. apríl, á netfangið eidur.ragnarsson@mulathing.is.