Heimastjórn Djúpavogs

Fyrir liggur erindi frá Inga Ragnarssyni, dagsett 1. október 2026, með ósk um afnot á léninu Djupivogur.is.
Inn á fundinn undir þessum lið kemur Ingi Ragnarsson og fylgir erindinu eftir. Einnig situr fundinn undir þessum lið yfirumsjónarmaður tölvumála hjá Múlaþingi, Ólafur Björnsson.

Fyrir liggur minnisblað um hæfi fulltrúa og málsmeðferð þegar álitaefni koma upp.

Fyrir liggur erindi frá Hafliða Sævarssyni og Guðnýju Grétu Eyþórsdóttur, bændum í Fossárdal, varðandi upprekstrarland á Hálsströndinni.
Inn á fundinn undir þessum lið kemur Stefán Aspar Stefánsson, verkefnastjóri umhverfismála hjá Múlaþingi.

Fyrir liggja drög Húsnæðis-, mannvirkja- og skipulagsstofnunar (HMS) að áætlun um eignamörk jarða á Norðaustur- og Austurlandi, þar á meðal fyrir 22 jarðir í eigu Múlaþings.
Lagt fram til kynningar.

Framkvæmdir
Gerð gangstétta við Markarland gengur vel og lýkur á næstu dögum. Í framhaldi tekur við frágangur.

Öxi var hefluð á verstu köflunum í vikunni og í hana borið. Á meðan veðurblíðan tollir ætti hún að vera með besta móti. Eftirtektarverð umfjöllun um veginn var á RÁS 1 í þættinum Víðs vegar, 29. október síðastliðinn, þar sem margir Djúpavogsbúar voru teknir tali um málefni Axarvegar.

Byrjað var að grafa fyrir grunn á Björgunarsveitarhúsinu í Víkurlandinu í vikunni.

Menning
Dagar myrkurs komu og fóru í liðinni viku. Samráðshópur Cittaslow sá um að sanka saman viðburðum og setja saman auglýsingu. Þátttaka var almennt góð og þorpið fullt af lífi og fjöri.

Höfnin
Hávaðamæling hófst í Djúpavogshöfn 26. október.
Viðgerðir eru framundan á hafnarsvæðinu á bakvið Fiskmarkaðinn. Þar verður keyrt í efni og slétt úr.

Langabúð
Umsóknarfrestur í rekstur Löngubúðar rann út 3. nóvember. Málið verður tekið fyrir á næsta byggaráðsfundi Múlaþings 17. nóvember.

Bókasafn Múlaþings Djúpavogi
Verið er að ganga frá ráðningu á bókasafninu. Þegar það er frágengið kemur til með að opnunartíminn verði þriðjudaga til fimmtudaga klukkan 15 til 18.

Þjónustumiðstöðin
Smíði portsins við þjónustumiðstöð Djúpavogs er lokið.

Íþróttamiðstöð Djúpavogs
Gufan í sundlaug Djúpavogs er komin og verið er að vinna í uppsetningu hennar. Ný lofttræsting og hitari fyrir sundlaugina eru komin til landsins og vonandi klárast uppsetningin á báðu fljótlega svo að sundlaugin geti opnað sem fyrst.

Djúpavogskirkja
Halldór Elías Guðmundsson hefur hafið störf í Djúpavogskirkju sem djákni og verður með aðsetur á Djúpavogi. Hann mun koma til með að sinna fermingarfræðslu, barna- og æskulýðsstarfi og guðþjónustuhaldi. Íbúar eru hvattir til að fylgjast með á facebook-síðu Djúpavogskirkju. Öllum er velkomið að setja sig í samband við Halldór Elías. Hann hefur síma 893-6687 og netfangið halldor.elias@kirkjan.is

Fulltrúi sveitarstjóra á Djúpavogi sótti ráðstefnu AECO til Ósló í lok október síðastliðinn. Meðfram fulltrúastarfinu sinnir starfsmaður markaðsmálum hafna Múlaþings er varðar málefni skemmtiferðaskipa.

Íbúar eru hvattir til að mæta á íbúafund heimastjórnar 17. nóvember næstkomandi, klukkan 17 á Hótel Framtíð.

Íbúafundur heimastjórnar verður haldinn 17. nóvember á Hótel Framtíð klukkan 17 til 19, allir íbúar hvattir til að mæta.
Næsti fundur heimastjórnar Djúpvogs verður fimmtudaginn 3. desember klukkan 10:00. Erindi fyrir fundinn þurfa að berast starfsmanni heimastjórnar fyrir klukkan 16:00 föstudaginn 27. nóvember á netfangið greta.mjoll.samuelsdottir@mulathing.is.