Heimastjórn Seyðisfjarðar

Í upphafi þessa liðar vakti Margrét Guðjónsdóttir á mögulegu vanhæfi sínu vegna tengsla við verkefnið. Bar formaður upp vanhæfistillögu sem var samþykkt og vék Margrét af fundi undir þessum lið.

Eftirfarandi tillaga lögð fram:
Í ljósi bágs ástand á bíóstólum Herðubreiðar og kostnaðar vegna endurnýjunar, hefur heimastjórn ákveðið að taka þátt í því þarfa verkefni og setja styrkinn að upphæð 2 milljónir króna óskipta í þá uppbyggingu. Heimastjórn telur þetta samfélagslega mikilvægt verkefni.

Samþykkt samhljóða með handauppréttingu.

Fyrir liggur erindi frá Þorvaldi Jóhannsyni, þar sem fjallað er um samgöngumál á Seyðisfirði og gagnrýni á málsmeðferð innviðaráðherra í tengslum við Fjarðarheiðargöng. Í erindinu er lagt til að sveitarstjórn Múlaþings beiti sér fyrir því að kvörtun verði send til umboðsmanns Alþingis vegna málsins.
Fyrir fundinum liggur minnisblað frá Aroni Thorarensen, lögfræðingi Múlaþings, dags. 24. febrúar 2026, þar sem farið er yfir lagalega stöðu málsins og heimildir til að beina kvörtun til umboðsmanns Alþingis. Í minnisblaðinu kemur fram að samkvæmt lögum nr. 85/1997 um umboðsmann Alþingis geti einstaklingar kvartað til umboðsmanns vegna ætlaðrar rangsleitni af hálfu stjórnvalda. Það hefur verið túlkað með því móti að stjórnvöld, þar á meðal sveitarfélög, geti almennt ekki kvartað til umboðsmanns vegna annarra stjórnvalda, svo sem ráðherra. Jafnframt er bent á að starfssvið umboðsmanns nær ekki til starfa Alþingis eða stofnana þess, en það er hlutverk Alþingis að samþykkja samgönguáætlun. Þó er ekki útilokað að umboðsmaður taki mál til skoðunar að eigin frumkvæði samkvæmt 5. gr. laganna. Sveitarfélag getur því sent umboðsmanni bréf þar sem athygli hans er vakin á málinu og óskað eftir að hann taki það til skoðunar sem frumkvæðismál, en ákvörðun um slíkt er alfarið í höndum umboðsmanns.

Eftirfarandi tillaga lögð fram:
Heimastjórn hvetur sveitarstjóra til að vekja athygli umboðsmanns á málinu.

Samþykkt samhljóða með handauppréttingu.

Eftirfarandi bókun lögð fram:
Heimastjórn Seyðisfjarðar áréttar við byggingarfulltrúa að þegar veitt eru tímabundin leyfi um afnot af landi að þá séu þau vel skilgreind hvað varðar tímalengd, umgengni um svæðið og frágang að notkun lokinni. Jafnramt skal ábyrgðaraðili hafa öll tilskilin leyfi til rekstrar.

Samþykkt samhljóða með handauppréttingu.