Heimastjórn Seyðisfjarðar

Eftirfarandi tillaga lögð fram:
Heimastjórn þakkar Julie fyrir erindið, fagnar frumkvæðinu og væntir þess að sveitarfélagið veiti henni viðeigandi ráðgjöf og stuðning eftir því sem við á.

Samþykkt samhljóða með handauppréttingu.

Eftirfarandi bókun lögð fram:
Heimastjórn gerir ekki athugasemd við að haldin verði sólstöðu- og götuhátíð á Norðurgötu 19. júní með þeim hætti sem lýst er í erindi frá skipuleggjanda. Enda hefur umsækjandi haft samband við íbúa og fyrirtækjaeigendur götunnar sem tekið hafa vel í þetta verkefni. Starfsmanni falið að vinna málið áfram með deildarstjóra menningarmála.

Samþykkt samhljóða án atkvæðagreiðslu.

Verður tekið fyrir af nýrri heimastjórn.

Lagt fram til kynningar.

Í upphafi þessar liðar vakti Jón Halldór Guðmundsson athygli á mögulegu vanhæfi sínu undir þessu máli vegna fjölskyldutengsla. Bar formaður upp vanhæfistillögu sem var samþykkt og vék Jón af fundi undir þessum lið.

Eftirfarandi tillaga lögð fram:
Heimastjórn gerir ekki athugasemdir við áform handverksmarkaðarins um að setja niður torgsöluhús. Heimastjórn bendir þó á að í ljósi umfangs verkefnisins þarf að liggja fyrir umsögn frá HMS um hvort húsið sé byggingarleyfisskylt eður ei. Ekki er heimilt að veita byggingarleyfi á þessu svæði samkvæmt umræddri notkun enda samræmist það ekki skipulagi.
Það er von heimastjórnar að úr þessu leysist á farsælan hátt.

Samþykkt samhljóða með handauppréttingu.

Lagt fram til kynningar

Fulltrúi sveitarstjóra fór yfir ýmis verkefni og stöðu mála.

Komur skemmtiferðaskipa: Fyrsta skemmtiferðaskipið kom 20.apríl sl með 2.000 farþega. Einungis fjórar komur skemmtiferðaskipa verða í maí með ca. 2500. farþega samanlagt.

Heildarfjöldi skemmtiferðaskipa í Seyðisfjarðarhöfn á árinu 2026 verða eins og staðan er í dag 86 komur, með 107.100 farþega plús 45.000 manns í áhöfn. Búið er að hækka þak fjölda farþega per skip úr 3.500 í 4.500 manns.

Baugur Bjólfs: Gaman að segja frá því að 29.milljónir króna fengust úr Framkvæmdasjóði ferðamannastaða í uppbyggingu á bílastæði og gönguleið að Baugi Bjólfs.

Íbúafundur heimastjórnar: Góð mæting var á íbúafundinn sem haldinn var 30.apríl sl. í Herðubreið. Sveitarstjórinn, Dagmar Ýr Stefánsdóttir fór yfir stöðu mála og sagði m.a. frá heimsókn hóps á vegum ríkisstjórnarinnar sem er samansettur af embættismönnum frá fimm ráðuneytum sem hefur það hlutverk að aðstoða atvinnuhóp á vegum byggðaráðs sveitarfélagsins í að leita tækifæra fyrir ný atvinnutækifæri á Seyðisfirði. Hópurinn var í heimsókn á Seyðisfirði þennan dag og eftir kynningu sveitastjóra tók Karl Guðmundsson úr forsætisráðuneytinu til máls og sagði frá upplifun hópsins af heimsókninni.

Hugrún Hjálmarsdóttir fór yfir stöðu verkefna á umhverfis- og framkvæmdasviðinu þar sem heilmargt er í gangi. Fram kom að ný skólabygging er að fara í útboð, verklok áætluð sumarið 2028. Göngustígur að Gufufossi verður malbikaður í sumar. Snjóflóðavarnagarðar að klárast og í kjölfarið verður farið í heilmikla tiltekt og frágang sem inniheldur m.a. stíga, skilti og frágangi á fornminjum. Flutningur á Wathneshúsi/bæjaskrifstofu er áætlaður í haust, grenndarkynning stendur yfir og líkur 11. maí og áætlað er að bjóða sökkla og kjallara út núna í maí. Að lokum má nefna að gamli skóli fær smá upplyftingu í sumar.

Heimastjórn Þakkar íbúum, starfsmönnum og kjörnum fulltrúum fyrir ánægjulegt og farsælt samstarf á kjörtímabilinu og óskar næstu heimastjórn velfarnaðar í starfi.