Umsókn um lóð, Bláargerði 51-53

Málsnúmer 202603030

Umhverfis- og framkvæmdaráð Múlaþings - 177. fundur - 16.03.2026

Fyrir liggur umsókn frá Búðingar ehf. um að fá að byggja fjögurra íbúða raðhús á tveimur einbýlishúsalóðum við Bláargerði 51 og 53 á Egilsstöðum.

Eftirfarandi tillaga lögð fram:
Umhverfis- og framkvæmdaráð samþykkir að gerð verði óveruleg breyting á deiliskipulagi Suðursvæðis í samræmi við 2. mgr. 43. gr. skipulagslaga nr. 123/2010. Breytingin verði grenndarkynnt fyrir fasteignaeigendum við Bláargerði 39, 41, 47, 49, 55, 57, 59 og 61 í samræmi við gr. 5.8.2 í skipulagsreglugerð. Málið verður tekið fyrir að nýju að grenndarkynningu lokinni.

Samþykkt samhljóða.

Umhverfis- og framkvæmdaráð Múlaþings - 184. fundur - 08.06.2026

Óveruleg breyting á deiliskipulagi íbúðarlóða á Suðursvæði á Egilsstöðum var grenndarkynnt með athugasemdafresti til og með 13. maí sl. Breytingin fól í sér sameiningu tveggja einbýlishúsalóða við Bláargerði 51 og 53 og heimild til byggingar fjögurra íbúða raðhúss.
Athugasemdir bárust og liggur fyrir ráðinu að taka afstöðu til þeirra.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi drög að umsögn um athugasemdir og felur verkefnastjóra skipulagsmála að koma þeim á framfæri. Ráðið samþykkir óverulega breytingu á fyrirliggjandi deiliskipulagi svæðisins.

Samþykkt með 6 atkvæðum, 1 situr hjá (GBH) B-lista.