Umhverfis- og framkvæmdaráð Múlaþings

Eftirfarandi tillaga lögð fram:
Umhverfis- og framkvæmdaráð samþykkir að brugðist verði við athugasemdum í samræmi við fyrirliggjandi minnisblað og viðeigandi breytingar gerðar á skipulagsgögnum. Umfang breytinganna kalla á að skipulagstillagan verði auglýst að nýju.

Samþykkt með 4 atkvæðum, 3 á móti (PH, ÁMS, ÁHB).


PH og ÁMS (V-lista) og ÁHB (L-lista) lögðu fram eftirfarandi bókun:
Meirihluti umhverfis- og framkvæmdráðs ætlar nú að fella niður hverfisvernd þá sem hefur verið á Hofsdal, Tungu, Hofsá, Geithellnadal og Þrándarjökli frá árinu 2006. Fyrir þessari ákvörðun liggja engin málefnaleg rök og engin greining hefur farið fram á hvað í breytingunni felst. Þau rök að svæðið sé á C hluta náttúruminjaskrár og njóti þar af leiðandi verndar standast ekki, engin verndarákvæði eru um þær náttúruminjar skv. lögum en þegar hverfisvernd var sett á þetta svæði var stefnan sú að hafa aukin verndarákvæði á því á meðan unnið væri áfram með hugmyndir um friðlýsingar á svæðinu.
Í aðdraganda stofnunar Múlaþings var lögð áhersla á og því lofað að hin ólíku sveitarfélög sem sameinuðust fengju öll að halda sérkennum sínum. Við teljum umrædda hverfisvernd meðal slíkra sérkenna. Sú ákvörðun að fella hana niður gengur þvert á þá stefnumörkun og loforð þeirra sveitarstjórna sem að sameiningunni komu sem og þeirra sveitarstjórna sem höfðu setið í fyrrum Djúpavogshreppi, frá gerð gildandi aðalskipulags á svæðinu. Það er leitt að sjá að meirihlutinn ætlar nú að ganga í spor þess stjórnvalds hefur sem mest verið gagnrýnt fyrir að virða ekki ákvarðanir fyrirrennara sinna.

HKH, áheyrnarfulltrúi (M-lista) lagði fram eftirfarandi bókun:
Í samþykktri aðalskipulagsbreyting frá síðasta ári var valið að fara svo kallaða Suður-leið frá gangnamunna Fjarðarheiðarganga Héraðsmegin í stað svo nefndrar Norður-leiðar sem M-listinn barðist fyrir. Nú leynist ekki lengur hversu rangt og illa ígrundað leiðarvalið á Suðurleið var, þegar kemur að vandræðagang við að finna leið/tengingu fyrir nýjan Borgarfjarðarveg inn á Hringveg 1.
Þetta kemur hrópandi fram í athugasemd Vegagerðarinnar sem og annari athugasemd frá hagsmunaaðila.
Það má lesa út úr athugasemd Vegagerðarinnar að hún ætlar ekki að bera kostnað af nýrri tengingu milli Hringvegar 1 og Borgafjarðarvegar, heldur þarf sveitarfélagið að gera það með tilheyrandi brúargerð yfir Eyvindará. Hefði Norðurleiðin orðið fyrir valinu, væri þetta vandamál ekki til staðar nú og þegar að fullu leyst skipulagslega og Vegagerðin borið þennan kostnað sjálfkrafa.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagsbreytingu og málsmeðferð í samræmi við 2. mgr. 43. gr. skipulagslaga nr. 123/2010. Jafnframt samþykkir ráðið, með vísan til gr. 5.9.3. í skipulagsreglugerð, að fallið verði frá grenndarkynningu breytinganna.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð samþykkir, með vísan til 3. mgr. 43. gr. skipulagslaga nr. 123/2010, að víkja frá kröfum 1. og 2. mgr. sömu greinar um breytingu á deiliskipulagi og grenndarkynningu vegna fyrirliggjandi umsóknar um byggingarheimild. Er það gert með vísan til þess að um svo óveruleg frávik sé að ræða í þessu tilviki að hagsmunir nágranna skerðist í engu hvað varðar landnotkun, útsýni, skuggavarp eða innsýn.
Ráðið leggur jafnframt áherslu á að heildarbyggingarmagn á lóðinni haldist óbreytt frá gildandi skipulagsskilmálum.

Samþykkt samhljóða.

Eftirfarandi tillaga lögð fram:
Með vísan í fyrirliggjandi samþykki aðliggjandi lóðarhafa samþykkir umhverfis- og framkvæmdaráð að falla frá grenndarkynningu og vísar málinu til afgreiðslu byggingarfulltrúa.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð telur ekki tímabært að gera breytingu á deiliskipulagi svæðisins að svo stöddu. Ákvörðunin byggir á því að starfshópur um uppbyggingu atvinnulífs er með til skoðunar fjölbreyttar hugmyndir um framtíðaruppbyggingu á reitnum, og ekki þykir rétt að ráðast í breytingu á skipulagi fyrr en niðurstöður þeirrar vinnu liggja fyrir. Á sömu forsendum er ekki hægt að úthluta lóðinni á þessum tímapunkti.
Ráðið beinir því til verkefnastjóra skipulagsmála að vinna tillögu að þeim lóðum sem hægt er að setja á lista yfir lausar lóðir við Lónsleiru á Seyðisfirði.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð samþykkir að gerð verði óveruleg breyting á deiliskipulagi Suðursvæðis í samræmi við 2. mgr. 43. gr. skipulagslaga nr. 123/2010. Breytingin verði grenndarkynnt fyrir fasteignaeigendum við Bláargerði 39, 41, 47, 49, 55, 57, 59 og 61 í samræmi við gr. 5.8.2 í skipulagsreglugerð. Málið verður tekið fyrir að nýju að grenndarkynningu lokinni.

Samþykkt samhljóða.

Eftirfarandi tillaga lögð fram:
Með vísan í fyrirliggjandi gögn um áætlaða framvindu verkefnisins leggur umhverfis- og framkvæmdaráð til við skipulagsfulltrúa, að framlengja lóðaúthlutun um 6 mánuði frá og með deginum í dag, þ.e. 16. mars 2026.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi erindi og felur skipulagsfulltrúa að láta vinna breytingu á deiliskipulagi svæðisins vegna Fífutúns 4 og 6.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð heimilar eftirfarandi umsókn um afnot af lóð, með þeim formerkjum að málshafi nýti eingöngu eina lóð, þ.e. Búðarleira 7, og heimildin nær til ákveðins tímabils, 15. apríl - 1. september.
Ráðið áréttar að málsaðili og/eða ábyrgðaraðili beri fullan kostnað að því að hreinsa svæðið að tímabili loknu.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð felur formanni ráðsins, skipulagsfulltrúa og sviðsstjóra framkvæmda að skila inn fyrirliggjandi umsögn.

Samþykkt samhljóða.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi drög að umsögn og felur starfsmönnum að koma henni á framfæri við Húsnæðis-, mannvirkja- og skipulagsstofnun.

Samþykkt samhljóða.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.