Kristni og kristinfræði í grunnskólum og leikskólum Múlaþings

Til máls tóku: Þröstur Jónsson, Ásrún Mjöll Stefánsdóttir sem beindi fyrirspurn til Þrastar, Hildur Þórisdóttir, Helgi Hlynur Ásgrímsson, Eyþór Stefánsson sem beindi fyrirspurn til Þrastar, Þröstur Jónsson sem svaraði Ásrúnu Mjöll, Hildi, Helga Hlyni og Eyþóri.

Eftirfarandi tillaga lögð fram:
Sveitarstjórn Múlaþings vísar málinu til umfjöllunar hjá fjölskylduráði.

Samþykkt samhljóða með handauppréttingu.

Fjölskylduráð þakkar Þresti Jónssyni fyrir erindið.

Gildandi hæfniviðmið Aðalnámskrár fyrir samfélagsgreinar taka meðal annars til siðferðs og trúar, þar sem fjallað er um grunngildi trúarbragða og menningar. Kristin trú er hluti af íslenskri menningu og hvetur ráðið skóla Múlaþings til að vinna áfram markvisst eftir þeim hæfniviðmiðum sem tryggja börnum þekkingarlegan grunn á menningu og siðferði eins og kveðið er á um í grunnskólalögum.

Samþykkt samhljóða með handauppréttingu.

ÞJ lagði fram eftirfarandi bókun:
Bæti við bókun fjölskylduráðs að í 2. grein grunnskólalaga (markmið) er áréttað svo: „Starfshættir grunnskóla skulu mótast af umburðarlyndi og kærleika, kristinni arfleifð íslenskrar menningar, jafnrétti, lýðræðislegu samstarfi, ábyrgð, umhyggju, sáttfýsi og virðingu fyrir manngildi."