Öldungaráð Múlaþings

Eftirfarandi tillaga lögð fram:
Öldungaráð beinir því til fjölskylduráðs að haldið verði áfram með svipað fyrirkomulag fyrir styrktaræfingar eldri borgara í haust. Jafnframt verði gerð heildaráætlun á hreyfiúrræðum fyrir eldri borgara í sveitarfélaginu og að gert verði ráð fyrir því í fjárhagsáætlunum Múlaþings.
Samþykkt samhljóða.

Eftirfarandi tillaga lögð fram:
Öldungaráð lýsir ánægju sinni með þá góðu og miklu vinnu sem liggur að baki vinnslutillögu aðalskipulags Múlaþings. Ráðið bendir jafnframt á að fullt tilefni sé til þess að huga að húsnæðisþörfum eldri borgara í aðalskipulagi til að mynda með því að setja þá stefnu að metið sé við skipulagningu íbúðahverfa hvort þörf sé fyrir að eyrnmamerkja lóðir eða svæði fyrir eldri borgara. Öldungaráð leggur áherslu á að horft sé til þess að húsnæði fyrir eldri borgara séu staðsett þannig að stutt sé í flesta þjónustu og afþreyingu þannig að eldri borgarar geti verið sjálfbjarga og sem lengst heima.
Samþykkt samhljóða.