Ungmennaráð Múlaþings

Stefanía Malen Stefánsdóttir, grunnskólafulltrúi, kom á fundinn og sagði frá starfamessu sem fyrirhugað er að halda í Neskaupsstað í september. Messan er haldin í samstarfi við Fjarðabyggð. Sú breyting verður á fyrirkomulaginu að fjórum árgöngum verður boðið, tveimur efstu úr grunnskólum og tveimur árgöngum úr framhaldsskóla. Ungmennaráð leggur til að þriðja árs nemum í framhaldsskólum verði einnig boðið að taka þátt.

Ákveðið að vinna áfram með þemað ungt fólk og lýðræði. Þingið verður haldið í Valaskjálf og ungmennaráð felur verkefnastjóra að halda áfram með skipulagsvinnu.

Ungmennaráð hvetur kjörna fulltrúa og starfsfólk til að svara könnuninni.

Tekin var ákvörðun um að ungmennaráð standi fyrir skuggakosningum í grunnskólum Múlaþings í aðdraganda sveitastjórnakosninga í maí. Verkefnastjóra falið að vinna að framkvæmd og skipulagningu í samráði við ungmennaráðið.