Byggðaráð Múlaþings

Fjármálastjóri og sveitarstjóri fóru yfir og kynntu mál er varðar fjármál og rekstur sveitarsfélagsins.

Fjármálastjóri og sveitarstjóri fóru yfir stöðu vinnu fjárhagsáætlunar Múlaþings 2026 og þriggja ára áætlunar á grundvelli rammaáætlunar sem samþykkt var af sveitarstjórn 11.júní 2025.

Fyrir lá til kynningar niðurstaða innviðaráðuneytisins dagsett 11.08.2025 vegna kæru Hagrennings ehf. á stjórnsýsluákvörðun Múlaþings við sölu á Gamla ríkinu Seyðisfirði. Samkvæmt úrskurði ráðuneytisins var málsmeðferð Múlaþings í samræmi við lög og meginreglur stjórnsýsluréttar.

Fyrir lá til staðfestingar sala á Hamrabakka 10 á Seyðisfirði. Íbúðin var sett á sölu 10. júlí sl.

Fyrir lá greinargerð og tillögur um þjónustu, aðstöðu og skipulag almenningsbókasafna í Múlaþingi, sem unnin er af deildastjóra menningarmála og skrifstofustjóra. Inn á fundinn komu Elsa Guðný Björgvinsdóttir deildarstjóri menningarmála og Óðinn Gunnar Óðinsson skrifstofustjóri.