Fjölskylduráð Múlaþings

Fjölskylduráð samþykkir tillögur félagsmálastjóra um aukningu stöðugilda í félagsþjónustu. Samþykkt er afleysingarstöðugildi vegna veikinda starfsmanns í 5 mánuði frá og með maí til og með september á yfirstandandi ári. Fjölskylduráð leggur til að samþykkt verði 100% stöðugildi til framtíðar sem gera verður ráð fyrir í fjárhagsáætlun næsta árs. Kostnaðarmat er;

Afleysing vegna veikinda 5 mán. maí til sept.
4.763.615,00
Nýtt stöðugildi í barnavernd frá 01.08.2021
4.810.615,00
Samtal aukning vegna veikingda og nýtt stg.
9.574.230,00

Kostnaðar vegna þessara breytinga á yfirstandandi ári rúmast innan fjárhagsáætlunar.

Auk þessa þarf að skoða mönnunarþörf á fjölskyldusviði í heild vegna innleiðingar farsældarfrumvarps sem taka á gildi 1. janúar 2022.

Samþykkt samhljóða.

Skv. 4. gr. reglugerðar um málsmeðferð fyrir barnaverndarnefnd nr. 56/2004 ber barnaverndarnefnd að setja sér reglur varðandi framsal valds til einstakra starfsmanna, m.a. til þess að beita 31. gr. bvl. sem er neyðarúrræði til þess að vinda bráðan bug á brýnum vanda barna. Samþykkt er að framselja í hendur félagsmálastjóra sem og deildarstjóra barnaverndar valdi til þess að framfylgja ákvæðum 31. gr. bvl. nr. 80/2002 án undangenginnar málsmeðferðar skv. VIII kafla laganna, enda verði málið tekið til meðferðar í barnaverndarnefnd svo fljótt sem auðið er og eigi síðar en innan 14 daga, ella falli ákvörðun skv. 31. gr. úr gildi.

Skv. sömu gr. reglugerðar nr. 56/2004 er verkskipting milli nefndarinnar og sérhæfðs starfsliðs hennar sú að starfsmönnum er falið að taka ákvörðun um hvort hefja skuli könnun máls skv. 21. og 22. gr. bvl., sjá um könnun og meðferð einstakra mála skv. 23. gr. s.l. og taka ákvarðanir um aðrar þær ráðstafanir er heyra undir bvl. á teymisfundi sérfræðinga sviðsins. Undanþegnar eru ákvarðanir sem tilgreindar eru í fyrrgreindri reglugerð s.s. að kveða upp úrskurði samkvæmt barnaverndarlögum, taka ákvarðanir um málshöfðun skv. 28. og 29. gr. laganna, setja fram kröfu um sjálfræðissviptingu skv. 30. gr. laganna, og taka ákvarðanir um að krefjast brottvikningar heimilismanns eða nálgunarbanns skv. 37. gr. laganna.

Lagt fram til kynningar.

Félagsmálastjóri reifar málefni sviðsins frá síðasta fundi ráðsins.

Lagt fram til kynningar.

Í vinnslu.

Lagt fram til kynningar.

Lagt fram til kynningar.

Fjölskylduráð leggur til að í ljósi farsæls samstarfs Grunnskólans á Borgarfirði og Fellaskóla, Fellabæ, verði starfsemin á Borgarfirði starfrækt sem deild frá Fellaskóla frá og með næsta skólaári. Ráðinn verði deildarstjóri sem hafi með höndum daglega umsjón með deildinni á Borgarfirði og sinni jafnframt kennslu þar.

Samþykkt samhljóða án atkvæðagreiðslu.

Lagt fram til kynningar.

Fyrir liggja skóladagatöl frá Egilsstaðaskóla og Brúarásskóla fyrir skólaárið 2021-2022.

Bæði skóladagatöl samþykkt samhljóða án atkvæðagreiðslu.

Lagt fram til kynningar.

Til kynningar.