Fjölskylduráð Múlaþings

Fyrir liggja til samþykktar drög að fundadagatali fjölskylduráðs tímabilið júní 2026 - maí 2027.

Á 151. fundi fjölskylduráðs var kynnt minnisblað er varðar aðstöðu fyrir Stólpa og var sviðsstjóra velferðar falið að vinna málið áfram.

Samráðshópur fatlaðs fólks er vettvangur sem hefur það hlutverk að stuðla að samráði, miðlun upplýsinga og virkri þátttöku fatlaðs fólks í málefnum sem það varða. Í samráðshópnum sitja fulltrúar úr hagsmunasamtökum fatlaðs fólks, starfsmenn sveitarfélagsins og kjörnir fulltrúar.

Þórey Hákonardóttir, ráðgjafi í málefnum eldra fólks, kynnti drög að verkefninu Virk efri ár í Múlaþingi, sem er verkefni er varðar heilsueflingu á efri árum.

Félags- og húsnæðismálaráðuneytið og Samband íslenskra sveitarfélaga, fyrir hönd sveitarfélaga landsins, gerðu í nóvember síðastliðnum samstarfssamning um öflun og nýtingu gagna í félagsþjónustu og stafræna þróun hins opinbera á því sviði.

Sviðsstjóri velferðar kynnti starfsemi sviðsins og veitti yfirlit yfir helstu verkefni, áherslur og þjónustu. Jafnframt var farið yfir þær starfseiningar sem heyra undir sviðið.

Starfshópur um framtíð Íþróttamiðstöðvarinnar á Egilsstöðum hefur starfað samkvæmt erindisbréfi sem samþykkt var á 169. fundi umhverfis- og framkvæmdaráðs. Vegna sveitarstjórnarkosninga og upphafs nýs kjörtímabils, þarf að endurskipa í starfshópinn.

Fyrir liggur úttekt Ríkisendurskoðunar á innleiðingu og framkvæmd laga um samþættingu þjónustu í þágu farsældar barna.

Fyrir liggur 3. fundargerð Farsældarráðs Austurlands, dagsett 13. apríl 2026.