Wathnehúsið, Seyðisfirði

Wathnehúsið, reist árið 1894 við Hafnargötu 44 á Seyðisfirði, er eitt af merkari sögulegum byggingum bæjarins.
Í kjölfar aurskriða sem féllu á Seyðisfirði í desember 2020 og þess hættumats sem í framhaldinu hefur verið unnið, stendur húsið innan skilgreinds hættusvæðis. Til að tryggja varðveislu hússins til framtíðar er því nauðsynlegt að ráðast í flutning þess á öruggari stað. Minjastofnun Íslands hefur veitt styrk til undirbúnings og framkvæmdar verkefnisins, sem miðar að því að vernda menningarlegt gildi hússins og tryggja áframhaldandi vernd þess í samræmi við friðlýsingarskilmála.

Sviðsstjóri framkvæmda kynnir fyrir umhverfis- og framkvæmdaráði stöðu verkefnisins ásamt því að óska eftir heimild frá ráðinu til áframhaldandi vinnu.