Ungmennaráð Múlaþings

Skýrsla Barnaheilla um niðurstöður þingsins kynnt ungmennaráði.

Farið yfir niðurstöður ungmennaþings og ákveðið að kynna þær fyrir sveitarstjórn á fundinum í október.
Niðurstöður þingsins benda til þess að auka mætti sýnileika ungmennaráðs verulega og er nýtt ungmennaráð hvatt til að fara í þá vinnu í samráði við starfsfólk. Sýnileiki á samfélagsmiðlum er dæmi um vettvang sem þyrfti að endurvekja, auk þess sem skólaheimsóknir væru góð leið til að kynna fulltrúa og starf ráðsins fyrir börnum og ungmennum í sveitarfélaginu.

Ungmennaráð þiggur boð UNICEF um þátttöku á áhrifadögum. Lagt til að bæði núverandi ungmennaráð og nýtt ráð sendi fulltrúa. Egill Freyr býður sig fram fyrir hönd þessa ráðs og Árni Stefán og Agla Eik til vara.

Erindið kynnt ungmennaráði og fulltrúar hvött til að sækja um.

Ungmennaráð Múlaþings lýsir yfir miklum áhyggjum af hugsanlegum breytingum á samkomusalnum í Valaskjálf. Ráðið vill undirstrika mikilvægi húsnæðisins fyrir menningarlíf ungs fólks í sveitarfélaginu. Salurinn gegnir mikilvægu hlutverki fyrir samfélagið í Múlaþingi og á staðurinn stóran hlut í hjarta samfélagsins.

Fulltrúar ungmennaráðs sem tóku þátt í ungmennaskiptunum deildu reynslu sinni af þátttöku í verkefninu. Ákveðið að segja stuttlega frá ungmennaskiptunum á fundi með sveitarstjórn í október.

Fundurinn í dag var síðasti fundur þessa ungmennaráðs. Ráðið á þó enn eftir að funda með sveitarstjórn, en ekki tókst að finna tíma fyrir sameiginlegan fund í vor eins og hefð er fyrir. Því mun nýtt ungmennaráð, sem valið verður í september, auk starfandi ungmennaráðs funda sameiginlega með sveitarstjórn í október.