Heimastjórn Seyðisfjarðar

Heimastjórn Seyðisfjarðar þakkar Ólöfu Helgu Jónsdóttur, framkvæmdastjóra mannauðsmála og Elís Hlyni Grétarssyni framkvæmdarstjóra vinnslu, fyrir samtalið. Stefna þau á að halda kynningu á starfseminni fyrir íbúa innan tíðar.

Eftirfarandi tillaga lögð fram:
í ljósi þess að sjúkrabíll HSA á Seyðisfirði stendur utandyra árið um kring, skapast veruleg hætta sem getur m.a. hamlað aðgengi og seinkað viðbragði. Heimastjórn lýsir yfir áhyggjum af stöðunni og vísar erindinu til byggðaráðs.
Heimastjórn þakkar Elfu Rúnarsdóttur og Höllu Dröfn Þorsteinsdóttur fyrir komuna.

Samþykkt samhljóða með handauppréttingu.

Eftirfarandi tillaga lögð fram.
Heimastjón þakkar Celiu og Oddnýju fyrir komuna og telur mikilvægt að fá niðurstöðu í húsnæðismál Skaftfells sem fyrst. Starfsemin er mikilvæg fyrir austfirskt samfélag og vonar heimastjórn Seyðisfjarðar að þær tillögur sem lagt er upp með í erindinu treysti frekar rekstargrundvöll og framtíð Skaftfells. Starmanni falið að vinna málið áfram.

Samþykkt samhljóða með handauppréttingu.

Eftirfarandi tillaga lögð fram:
Heimastjórn Seyðisfjarðar furðar sig á að Fjarskiptastofa hafi heimilað útfösun 2G og 3G við þessar aðstæður. Með þeirri ákvörðun varð Ísland fyrsta ríkið í Evrópu til að slökkva á þessum kerfum áður en tryggt hafði verið að nýrri kerfi tækju við. Þær aðstæður skapa samhliða óviðunandi hættuástand fyrir íbúa og ferðamenn.

Heimastjórn bendir á að markmið laga um fjarskipti sé að tryggja örugg, hagkvæm og skilvirk fjarskipti um land allt. Fjarskiptastofa ber einnig, í samstarfi við almannavarnir, lagaskyldu til að stuðla að öryggi fjarskiptainnviða og almannaöryggi.

Heimastjórn líkt og byggðaráð Múlaþings krefst þess að innviðaráðuneytið, Fjarskiptastofa og fjarskiptafyrirtækin geri sameiginlegt áhættumat á áhrifum skertrar fjarþjónustu á öryggi íbúa, ferðamanna og viðbragðsaðila. Ráðist verði tafarlaust í úrbætur þar sem þjónustan stenst ekki kröfur um örugg fjarskipti.

Á Seyðisfirði og í nágrenni hefur símasamband versnað eftir að slökkt var á 2G og 3G. Símasamband er slitrótt á veginum um Fjarðarheiði og beggja vegna fjarðar. Bendir heimastjórn íbúum á að ef þeir hafi upplifað skerðingu á sambandi eftir að 2G/3G voru aflaðgðir sendi inn tilkynningu á fjarskiptastofa.is

Samþykkt samhljóða með handauppréttingu.

Eftirfarandi tillaga lögð fram.
Heimastjórn Seyðisfjarðar vekur athygli á ástandi Sólveigartorgs í hjarta bæjarins. Sveinn Ágúst fór yfir fyrirkomulag viðhalds og áskoranir því tengdu.
Heimastjórn felur starfsmanni að koma áherslum heimastjórna til sviðsstjóra framkvæmda.

Samþykkt samhljóða með handauppréttingu.

Eftirfarandi tillaga lögð fram:
Heimastjórn Seyðisfjarðar felur formanni og starfsmanni að undirbúa íbúafund í Herðubreið sem áætlað er að halda fyrri hlutar nóvembermánaðar.

Samþykkt samhljóða með handauppréttingu.

Heimastjórn Seyðisfjarðar þakkar NAUST fyrir erindið en hefur í formlegu ferli veitt umsagnir um umsókn um sjókvíeldi í Seyðisfirði. Í ljósi þess að þegar hefur verið gefið út starfsleyfi, ítrekar heimastjórn mikilvægi þess að ítrustu kröfum um vöktun og eftirlit verði fylgt.

Samþykkt samhljóða með handauppréttingu.

Lagt fram til kynningar.

Sundhöll Seyðisfjarðar: Vegna viðhalds lokaði sundhöllin 24.sept sl. og verður lokuð til og með 15.október. Kerið verður málað ásamt öðru venjubundnu viðhaldi.

Frestur á málningarframkvæmdum við Gamla skólann: Vegna ýmissa atriða sem komið hafa upp þurfti að fresta fyrirhuguðum málningarframkvæmdum á Gamla skóla sem fara áttu fram fram núna í haust, til næsta vors. Ráðist verður í verkið um leið og aðstæður leyfa.

Stækkun Seyðisfjarðarskóla: Ákveðið var að hafna báðum tilboðum sem bárust í sumar í stækkun Seyðisfjarðarskóla þar sem þau fóru yfir kostnaðaráætlun sveitarfélagsins. Stefnt er á að bjóða verkið út að nýju fyrir árslok.

Landtenging Norrænu: Þann 9.sept síðastliðinn var gerð tilraun með landtenging Norrænu sem gaf góða raun og var unnið að smá lagfæringum í mánuðinum. Í gær miðvikudaginn 30.sept var svo landtenging Norrænu formlega tekin í notkun þegar sveitarstjórinn okkar hún Dagmar Ýr Stefánsdóttir klippti á borða af þessu tilefni. Þingmenn kjördæmissins sem og sveitarstjórn og aðrir starsmenn tengdir starfsemi Norrænu voru viðstaddir atburðinn.

Áður þurfti Norræna að hafa dísilvélar í gangi á meðan hún lá við bryggju. Er þetta ekki bara tæknileg framkvæmd heldur einnig mikilvægt umhverfisskref sem stuðlar að hreinna og betra umhverfi fyrir íbúa, gesti og starfsfólk á svæðinu.