Fara í efni

Fréttir

Leikskólastarf óbreytt á mánudag

Leikskólastarf í leikskólum Múlaþings verður með óbreyttum hætti mánudaginn 2. nóvember.
Lesa

Starfsdagur í grunnskólum á mánudag

Þar sem ljóst er að hertar sóttvarnaraðgerðir hafa víðtæk áhrif á skipulag skólastarfs í grunnskólum hefur verið ákveðið að hafa starfsdag í grunnskólum Múlaþings til að gefa starfsfólki tækifæri til að bregðast við þeim aðstæðum sem fram undan eru
Lesa

Tilkynning frá Aðgerðarstjórn á Austurlandi

Tveir eru nú smitaðir á Austurlandi, báðir með svokallað landamærasmit. Þeir greindust við sýnatöku í Flugstöð Leifs Eiríkssonar við komu til landsins og hafa síðan verið í einangrun á heimili sínu á Austurlandi. Vel er fylgst með líðan þeirra og þörfum af hálfu Covid-deildar Landspítala og Heilbrigðisstofnunar Austurlands. (HSA). Enginn er í sóttkví vegna þessara smita og enginn grunur um önnur smit vegna þeirra. Einangrun varir meðan veikindin vara, en með öllum fyrirvörum má gera ráð fyrir að um hálfan mánuð sé að ræða í einangrun.
Lesa

Hugmyndasamkeppni um byggðamerki fyrir Múlaþing

Á fundi byggðaráðs Múlaþings 27. október 2020 var samþykkt að efna til hugmyndasamkeppni um byggðamerki samkvæmt skilmálum reglugerðar og leiðbeininga Hugverkastofu. Múlaþing, er sveitarfélag sem til varð 4. október 2020 með sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar. Tákn byggðamerkisins skal hafa tilvísun í áberandi einkenni í náttúru sveitarfélagsins, sögu þess eða ímynd. Skilyrði er að merkið hafi skjaldarlögun og sé í samræmi við meginreglur skjaldarmerkjafræðinnar, sbr. 4. og 5. grein reglugerðar um byggðamerki nr. 112/1999. Nánari upplýsingar og leiðbeiningar um gerð og skráningu byggðamerkja má finna hjá Hugverkastofunni, eða á www.hugverk.is/byggdarmerki
Lesa

Frá Aðgerðastjórn almannavarna á Austurlandi

Aðgerðastjórn almannavarna á Austurlandi hvetur alla þá sem hafa farið út fyrir fjórðunginn vegna vetrarfría í skólum eða af öðrum ástæðum að fylgjast vel með heilsufari og huga vel að einkennum veikinda eftir heimkomu. Gæta vel persónulegra sóttvarna og að halda sig heima ef einhver einkenni gera vart við sig eða minnsti grunur leikur á smiti. Hafa þá samband við heilsugæsluna eða síma 1700. Með árvekni að leiðarljósi drögum við úr líkum á því að smit berist inn í skóla, vinnustaði og meðal okkar nánustu.
Lesa

Dagar myrkurs á Austurlandi

Hátíðin Dagar myrkurs verður haldin á Austurlandi 28. október - 1. nóvember í tuttugasta og fyrsta skipti. Hátíðin er sameiginleg byggðahátíð allra íbúa á Austurlandi og hefur það að markmiði að hvetja til samveru. Í ár verður lögð áhersla á að nýta tæknina og brydda upp á alls konar nýjungum í ljósi breyttra aðstæðna í samfélaginu. Hátíðin hefur sterka tengingu við íslenska og keltneska siði frá fornri tíð.
Lesa

Tilkynning frá aðgerðastjórn almannavarna - HAUSTFRÍ Í SKÓLUM

Á næstu dögum hefst haustfrí í skólum, frí sem fjölskyldur nota gjarnan til ferðalaga til höfuðborgarinnar eða annarra landshluta. Slíkt kærkomið frí hittir samfélag okkar nú á sérlega viðkvæmum tíma. Því beinir aðgerðastjórn almannavara á Austurlandi máli sínu sérstaklega til foreldra og forráðamanna og hvetur fjölskyldur til að verja vetrarfríinu heima á Austurlandi og blanda saman inniveru og útivist til hvers konar leikja og virkrar samveru.
Lesa

Heimasíða fyrir Múlaþing

Tekin hefur verið í notkun heimasíða fyrir sveitarfélagið Múlaþing sem hefur lénið mulathing.is.
Lesa

Nýir starfsmenn í Múlaþingi

Gengið hefur verið frá ráðningu tveggja starfsmanna á framkvæmda- og umhverfissvið Múlaþings.
Lesa

Nafnið Múlaþing samþykkt samhljóða

Nafnið Múlaþing var í gær, 14. október, formlega staðfest sem nafn á sameinuðu sveitarfélagi Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar. Nafnið var samþykkt samhljóða í annarri umræðu á sveitarstjórnarfundi sem fram fór í Valaskjálf og var streymt beint út á netinu.
Lesa
Var efnið á síðunni hjálplegt?