Byggðaráð Múlaþings

Sveitarstjóri, sviðsstjóri fjármála og sviðsstjóri mannauðs- og þjónustu fóru yfir og kynntu mál er varða fjármál og rekstur sveitarfélagsins.

Fyrir liggur umsókn frá Lunga skólanum, dagsett 28. janúar 2026, um styrk vegna fasteignaskatts vegna húsnæðis að Strandarvegi 13, Seyðisfirði.

Fyrir liggur minnisblað, dagsett 28. janúar 2026, frá verkefnastjóra framkvæmda og sviðsstjóra framkvæmda um þjónustumiðstöð á Djúpavogi. Málið var síðast tekið fyrir í byggðaráði 25. nóvember 2025. Á fundinn undir þessum lið mætir Hugrún Hjálmarsdóttir, sviðsstjóri framkvæmda og Rúnar Matthíasson, verkefnastjóri framkvæmda.

Fyrir liggur minnisblað, dagsett 8. janúar 2026, frá sviðsstjóra framkvæmda og slökkviliðsstjóra Múlaþings, þar sem lagt er til að Múlaþing gangi til samninga við Björgunarsveitina Sveinunga á Borgarfirði um kaup Sveinunga á 25% hluta áhaldahússins, F2319737, á Borgarfirði.
Einnig liggur fyrir umsögn heimastjórnar Borgarfjarðar um málið, frá 5. febrúar 2026, en þar kemur fram að heimastjórn taki vel í hugmyndir um söluna til Sveinunga.

Fyrir liggja drög að gjaldskrá fyrir félagsheimilið Fjarðarborg sem vísað er frá heimastjórn Borgarfjarðar til byggðaráðs til staðfestingar.

Fyrir liggur til kynningar fundargerð samráðshóps um uppbyggingu atvinnulífs á Seyðisfirði frá 9. febrúar 2026. Einnig liggja fyrir drög að bréfi til forsætisráðuneytisins með ósk um samstarf við stjórnvöld vegna atvinnuástands á Seyðisfirði.

Fyrir liggur fundargerð fagráðs Sláturhússins menningarmiðstöðvar frá 2. febrúar 2026. Í fundargerðinni er því beint til byggðaráðs að hlutast til um að veittir verði fjármunir á fjárhagsáætlun 2027 til kaupa og uppsetningar á drapperingum í sviðslistasalnum og að stuðla að því hafist verði handa við hönnun og frágang lóðar umhverfis Sláturhúsið, eigi síðar en 2027.

Fyrir liggur fundagerð fagráðs Minjasafns Austurlands frá 5.janúar 2026. Í fundargerðinni er því beint til byggðaráðs að taka upp á vettvangi samstarfs sveitarfélaga landshlutans möguleika á að koma upp sameiginlegu varðveislurými á Austurlandi sem gæti varðveitt safnkost svæðisins.

Fyrir liggur til kynningar minnisblað frá deildastjóra menningarmála, dagsett 10. febrúar 2026, þar sem fram koma upplýsingar um opnunartíma Bókasafns Múlaþings á Djúpavogi og Egilsstöðum.

Fyrir liggur tölvupóstur, dagsettur 5. febrúar 2026, frá Sambandi íslenskra sveitarfélaga, þar sem vakin er athygli á því að Sambandið, ásamt innviðaráðuneytinu, hafi sett í loftið átak sem miðar að því að styrkja lýðræðið á sveitarstjórnarstigi.

Fyrir liggur frá Austurbrú, dagsett 30. janúar 2026, erindi þar sem athygli er vakin á tækifærum til þess að efla skipulagt samráð við íbúa af erlendum uppruna og bjóða upp á samstarf um mögulega stofnun innflytjenda- eða fjölmenningarráðs.

Fyrir liggur til kynningar stefna lögreglunnar á Austurlandi fyrir 2026, undir nafninu Öruggara Austurland, samstarf og samvinna.

Fyrir liggur til kynningar fundargerð stjórnar Sambands íslenskra sveitarfélaga nr. 992, frá 23. janúar 2026.

Fyrir liggur til kynningar fundargerð stjórnar Samtaka sveitarfélaga á köldum svæðun nr. 88, frá 21. janúar 2026.

Fyrir liggur til kynningar fundagerð stjórnar HEF veitna nr. 361, frá 10.febrúar 2026.

Fyrir liggur í Samráðsgátt frá umhverfis-, orku- og loftslagsráðuneytinu mál S 32026, Frumvarp til laga um breytingu á ýmsum lögum vegna einföldunar regluverks og aukinnar skilvirkni eftirlits með hollustuháttum og mengunarvörnum. Frestur til að senda inn umsögn er til og með 17. febrúar 2026. Málið var síðast á dagskrá byggðaráðs 3. febrúar 2026.