Fjölskylduráð Múlaþings

Lagt fram til kynningar.

Fjölskylduráð þakkar skólastjórum fyrir kynninguna á sjálfsmatsskýrslunum og lýsir ánægju með þann metnað til umbóta sem þar kemur fram. Skýrslurnar eru lagðar fram til kynningar.

Fjölskylduráð fagnar setningu reglugerðarinnar og þeim skýra ramma sem hún setur um notkun síma og snjalltækja í skólastarfi. Grunnskólar Múlaþings hafa þegar tekið skýr skref í þessa átt og er símafrí á skólatíma.

Lagt fram til kynningar.

Fjölskylduráð Múlaþings gerir athugasemdir við þann skamma fyrirvara og það vinnulag sem viðhaft hefur verið við undirbúning og innleiðingu breytinga á námsmati í grunnskólum. Ráðið telur mikilvægt að breytingar af þessu tagi byggist á faglegum undirbúningi, raunverulegu samráði við skólasamfélagið og nægum fyrirsjáanleika fyrir skóla. Fjölskylduráð samþykkir framlagt bréf til mennta- og barnamálaráðherra og felur sviðsstjóra menntunar og lýðheilsu að koma því á framfæri við ráðherra.

Samþykkt samhljóða með handauppréttingu.

Fjölskylduráð samþykkir fyrir sitt leyti framlagða forgangsröðun fjárfestinga sem heyra undir ráðið. Jafnframt hyggst ráðið vinna frekari greiningu til að styrkja grundvöll fyrir framtíðarforgangsröðun áður en næsta endurskoðun fjárfestingaáætlunar sveitarfélagsins fer fram árið 2027.

Samþykkt með sex atkvæðum. Einn (JHÞ) sat hjá.

Í upphafi máls vakti Guðgeir Einarsson (GE) athygli á mögulegu vanhæfi sínu undir málsliðnum og gerði grein fyrir því. Formaður (JB) opnaði mælendaskrá og bar upp tillögu til afgreiðslu og var vanhæfi GE samþykkt samhljóða. Vék GE af fundi við umræðu og afgreiðslu máls.

Fjölskylduráð tekur undir áhyggjur Heilbrigðisstofnunar Austurlands af manneklu í heilbrigðisþjónustu og leggur áherslu á mikilvægi öflugrar heilbrigðisþjónustu í samfélaginu.
Fjölskylduráð telur að jafnræði skuli vera meginreglan við úthlutun leikskólaplássa og að aðeins veigamikil rök og brýnar aðstæður geti réttlætt frávik frá þeirri reglu. Að mati ráðsins hafa ekki verið færð nægjanleg rök fyrir því að slíkar aðstæður séu nú fyrir hendi. Áðstæðurnar sem nú eru innan leikskólanna eru tímabundnar og unnið er ötullega að því að manna leikskóla á Egilsstöðum með það að markmiði að hægt verði að bjóða öllum börnum leikskólavist. Ráðið hvetur áhugasama til að kynna sér laus störf hjá sveitarfélaginu og möguleika á að gerast dagforeldrar.

Með hliðsjón af framangreindu sér fjölskylduráð sér ekki fært að verða við erindinu að þessu sinni.

Samþykkt samhljóða með handauppréttingu.

Fjölskylduráð samþykkir fyrir sitt leyti tillögur starfshóps um skipulag og starfsumhverfi leikskóla í Múlaþingi með þeim breytingum sem ræddar voru á fundinum og vísar þeim til sveitarstjórnar til samþykktar. Ráðið leggur til að breytingarnar taki gildi frá og með 1. janúar 2027. Ráðið telur mikilvægt að fylgst verði með áhrifum breytinganna og að þær verði metnar að ákveðnum tíma liðnum, með það að markmiði að sjá hvernig þær reynast í framkvæmd og hvort tilefni sé til frekari breytinga.

Ráðið þakkar starfshópnum fyrir vandaða og umfangsmikla vinnu.

Samþykkt samhljóða með handauppréttingu.

Máli frestað.