Heimastjórn Seyðisfjarðar

65. fundur 05. febrúar 2026 kl. 09:00 - 12:30 á skrifstofu sveitarfélagsins, Seyðisfirði

Nefndarmenn

Jónína Brynjólfsdóttir formaður
Jón Halldór Guðmundsson aðalmaður
Margrét Guðjónsdóttir aðalmaður

Starfsmenn

Dagmar Ýr Stefánsdóttir sveitarstjóri
Inga Þorvaldsdóttir fulltrúi sveitarstjóra

Fundargerð ritaði: Inga Þorvaldsdóttir fulltrúi sveitarstjóra

Við upphaf fundar bar formaður upp tillögu um að mál nr.5 Umhverfishönnun, Seyðisfjörður, Norðurgata yrði bætt við dagskrá fundarins. Engin gerði athugasemd við tillöguna og skoðast hún samþykkt.

1.Umsagnarbeiðni um Samgönguáætlun fyrir árin 2026 til 2040 ásamt fimm ára aðgerðaáætlun fyrir árin 2026 til 2030 til

Málsnúmer 202601146 Vakta málsnúmer

Fyrir liggur frá umhverfis- og samgöngunefnd Alþingis til umsagnar 322. mál,
Samgönguáætlun fyrir árin 2026-2040 ásamt fimm ára aðgerðaráætlun fyrir árin
2026-2030. Frestur til að senda inn umsögn er til og með 9. febrúar nk. Einnig liggja fyrir drög að umsögn sem byggðarráð fól sveitarstjóra á 177. fundi sínum að gera og leita álita heimastjórnar.

Eftirfarandi tillaga lögð fram:
Heimastjórn samþykkir fyrir sitt leiti umsögn sveitarfélagsins við samgönguáætlun fyrir árin 2026-2040 og fimm ára aðgerðaáætlun fyrir árin 2026-2030. Heimastjórn tekur heilshugar undir þær kröfur að Fjarðarheiðargöng verði sett aftur í þann forgang sem þau höfðu í gildandi samgönguáætlun, tekin inn á fyrsta framkvæmdatímabil og boðin út án frekari tafa, enda eru þau fullhönnuð, tilbúin til útboðs og lykilforsenda öryggis, þjónustu og hringtengingar Austurlands.

Samþykkt samhljóða með handauppréttingu.

Fylgiskjöl:

2.Vetraþjónusta á Seyðisfirði

Málsnúmer 202511291 Vakta málsnúmer

Páll Birgir Jónsson deildarstjóri og Loftur þór Jónsson svæðisstjóri austursvæðis Vegagerðarinnar munu koma inn á fundinn undir þessum lið og fara yfir verklag vetrarþjónustunnar í Þéttbýli og dreifbýli Seyðisfjarðar.

Heimastjórn þakkar starfsmönnum Vegagerðarinnar fyrir yfirferðina og gott spjall. Til umræðu var m.a. ástand vegar yfir Fjarðaraheiði, mikilvægi þess að stikur séu yfirfarnar reglulega yfir veturinn og með hvaða hætti verði hægt að gera veginn öruggari. Einnig kom fram að vegirnir sitthvoru megin fjarðar munu verða heflaðir og yfirfarnir í vor, enda ástand orðið mjög slæmt.

3.Samfélagsverkefni heimastjórna 2026

Málsnúmer 202601217 Vakta málsnúmer

Fyrir liggur bókun umhverfis- og framkvæmdaráðs frá 2. febrúar 2026 þar sem eftirfarandi var bókað:
Umhverfis- og framkvæmdaráð samþykkir að óska eftir hugmyndum heimastjórna að samfélagsverkefnum í samræmi við fjárhagsáætlun og umræður á fundinum og felur sviðsstjóra framkvæmda að fylgja málinu eftir til formanna heimastjórna. Skipting fjármuna verður óbreytt frá fyrri árum þegar heimastjórnir Borgarfjarðar, Djúpavogs og Seyðisfjarðar fengu 2 milljónir hver til umráða og heimastjórn Fljótsdalshéraðs 4 milljónir.

Eftirfarandi tillaga lögð fram:
Starfsmanni falið að vinna málið áfram í samræmi við umræðu á fundinum.

Samþykkt samhljóða með handuppréttingu.

4.Bókasafn Múlaþings á Seyðisfirði, aðstaða

Málsnúmer 202601142 Vakta málsnúmer

Fyrir liggur minnisblað um bókasafnið, en flytja þarf það á þessu ári. Á fundi byggðaráðs 3.feb.sl. var eftirfarandi bókun gerð:
"Byggðaráð Múlaþings óskar eftir umsögn frá heimastjórn Seyðisfjarðar varðandi framtíðarstaðsetningu bókasafnsins á Seyðisfirði"
Hugrún Hjálmarsdóttir sviðstjóri framkvæmda og Elsa Guðný Björgvinsdóttir deildarstjóri menningarmála sitja fundinn undir þessum lið.

Unnið verður áfram að málinu og það tekið fyrir að nýju.

5.Umhverfishönnun, Seyðisfjörður, Norðurgata

Málsnúmer 202502043 Vakta málsnúmer

Hugrún Hjálmarsdóttir sviðstjóri framkvæmda situr fundinn undir þessum lið til að ræða fyrirhugaða framkvæmd á Norðurgötu.

Málið áfram í vinnslu.

6.Skýrsla fulltrúa sveitarstjóra á Seyðisfirði

Málsnúmer 202601161 Vakta málsnúmer

HEF veitur, nýr starfsmaður: Skúli Vignisson hefur verið ráðinn sem verkefnastjóri, með umsjón yfir kyndistöðinni á Seyðisfirði. Mun hann einnig sinna fleiri verkefnum tengdum framkvæmdum í Múlaþingi. Skúli mun hefja störf í mars og vera með starfstöð hér á Seyðisfirði.

Menningarstyrkir Múlaþings: Nýlega fór fram fyrri úthlutun á menningarstyrkjum Múlaþings 2026. Seinni úthlutun verður auglýst í ágúst. Eftirtalin verkefni með tengsl við Seyðisfjörð og hlutu styrk að þessu sinni eru:
Apolline Alice Penelopa Barra: Fiskisúpa-Ljósmyndasósa, röð ljósmyndaviðburða. Úthlutun: 350.000 kr.
Bláa kirkjan: Sumartónleikaröð Bláu kirkjunnar 2026. Úthlutun: 350.000 kr.
Bókasafn Múlaþings: Kveikja - sögur og sköpun, skapandi viðburðaröð fyrir börn á öllum bókasöfnum Múlaþings. Úthlutun: 400.000 kr.
Lasse Høgenhof Christensen: The Narrative Collection - On Air, útvarpsþættir. Úthlutun: 350.000 kr.
Monika Frycova: KIOSK 108: Sumardagskrá 2026. Úthlutun: 250.000 kr.
Ra Laura Elisabeth Tack: Listamannadvöl og viðburðaröð fyrir hinsegin fólk á Austurlandi. Úthlutun: 350.000 kr.
Sesselja Hlín Jónasardóttir: 100 ár frá fæðingu Garðars Eymundssonar, minningarsýning. Úthlutun: 240.000 kr.
Skaftfell: Prentnámskeið 2026 í Prentverki Seyðisfjarðar. Úthlutun: 400.000 kr.
Ströndin atelier. Ljósmyndadagar á Seyðisfirði 2026 Staðarviska. Úthlutun: 420.000 kr.
Theresa Mraia Rivarola: WHAT HOME MEANS TO US collective lab, sögur innflytjendakvenna. Úthlutun: 400.000 kr.
Tækniminjasafn Austurlands: Þróun stuttra leikþátta um seyðfirskar afturgöngur. Úthlutun: 350.000 kr.

Framtíðin, félag eldri borgara: Félag eldri borgara hafa nú flutt í nýtt húsnæði sem staðsett er á Lækjargötunni og eru í óða önn að koma sér vel fyrir. Starfsemin hófst formlega 20.janúar sl. með fínu lummukaffi sem rann ljúflega niður m.a. hjá fulltrúa sveitarstjóra og er hér með þakkað kærlega fyrir.

Fundi slitið - kl. 12:30.