Faxatröð 2 - Umsókn um byggingaráform og byggingarleyfi

Fyrir umhverfis- og framkvæmdaráði liggur umsókn um byggingaráform og byggingarleyfi til að breyta bílskúr í stúdíóíbúð.

Eftirfarandi tillaga lögð fram:

Umhverfis- og framkvæmdaráð samþykkir að fela skipulagsfulltrúa að grenndarkynna erindið. Grenndarkynning nái til eigenda Faxatraðar 1, 3 og 4 og Stekkjatraðar 1. Umsagnaraðili er Brunavarnir á Austurlandi.

Samþykkt samhljóða með handauppréttingu.

Fyrir umhverfis- og framkvæmdaráði liggja þrjár athugasemdir sem bárust við grenndarkynningu. Einnig umsögn frá Brunavörnum á Austurlandi.

Eftirfarandi tillaga lögð fram:
Skipulagsfulltrúa er falið að taka saman drög að svörum við athugasemdum og leggja fyrir umhverfis- og framkvæmdaráð til staðfestingar.

Samþykkt samhljóða með handauppréttingu.

Málið var áður tekið fyrir á fundi umhverfis- og framkvæmdaráðs 2. desember. Fyrir ráðinu liggja drög að svörum við athugasemdum.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi drög að svörum við athugasemdum og vísar þeim til heimastjórnar Fljótsdalshéraðs til afgreiðslu. Skipulagsfulltrúa er falið að afla nánari upplýsinga frá umsækjanda í samræmi við það sem boðað er í svörum við athugasemdum og leggja málið fyrir ráðið að nýju þegar þeirra hefur verið aflað.

Samþykkt samhljóða með handauppréttingu.

Fyrir ráðinu liggja drög að svörum við þeim athugasemdum sem fram komu við grenndarkynningu. Einnig liggja fyrir svör húseiganda við fyrirspurn um notkun íbúðarhúss og fyrirhugaða notkun á bílskúr ef leyfi fæst fyrir breyttri nýtingu hans. Alls er gert ráð fyrir 11 íbúum í íbúðarhúsinu og samtals 13 íbúum á lóðinni ef leyfi fæst fyrir breytingu bílskúrs. Umsækjandi hefur upplýst að á lóðinni sé hægt að koma fyrir fjórum bílum.

Eftirfarandi tillaga lögð fram:
Umhverfis- og framkvæmdaráð samþykkir erindið, ásamt framlögðum svörum við athugasemdum, og vísar því til heimastjórnar til afgreiðslu. Ráðið beinir því til byggingarfulltrúa að við útgáfu byggingarleyfis skuli umsækjanda gert að gera grein fyrir viðeigandi fjölda bílastæða. Þá er upplýsingum um þá starfsemi sem er í húsinu beint til skoðunar hjá byggingarfulltrúa, Brunavörnum á Austurlandi, Vinnueftirliti og HAUST.

Samþykkt samhljóða handauppréttingu.

Málinu frestað þar til allar upplýsingar í málinu liggja fyrir.

Fyrir liggja drög að svörum við þeim athugasemdum sem fram komu við grenndarkynningu. Einnig liggja fyrir svör húseiganda við fyrirspurn um notkun íbúðarhúss og fyrirhugaða notkun á bílskúr ef leyfi fæst fyrir breyttri nýtingu hans. Alls er gert ráð fyrir 11 íbúum í íbúðarhúsinu og samtals 13 íbúum á lóðinni ef leyfi fæst fyrir breytingu bílskúrs. Umsækjandi hefur upplýst að á lóðinni sé hægt að koma fyrir fjórum bílum.

Eftirfarandi var bókað á fundi umhverfis- og framkvæmdaráðs 20.1.2021:
Umhverfis- og framkvæmdaráð samþykkir erindið, ásamt framlögðum svörum við athugasemdum, og vísar því til heimastjórnar til afgreiðslu. Ráðið beinir því til byggingarfulltrúa að við útgáfu byggingarleyfis skuli umsækjanda gert að gera grein fyrir viðeigandi fjölda bílastæða. Þá er upplýsingum um þá starfsemi sem er í húsinu beint til skoðunar hjá byggingarfulltrúa, Brunavörnum á Austurlandi, Vinnueftirliti og HAUST.

Með vísan til umsagna sem liggja fyrir staðfestir heimastjórn Fljótsdalshéraðs afgreiðslu umhverfis- og framkvæmdaráðs og samþykkir framlögð svör við athugasemdum.

Samþykkt samhljóða með handauppréttingu.