Hitaveita á Seyðisfirði

Inn á fundinn kom Tryggvi Þór Haraldsson forstjóri Rarik og var farið yfir stöðu og framtíðarhorfur hitaveitumála á Seyðisfirði.

Í vinnslu.

Sveitarstjóri gerði grein fyrir þeirri vinnu sem hafin er innan sveitarfélagsins í samstarfi við HEF veitur varðandi málefni hitaveitu á Seyðisfirði.

Í vinnslu.

Fyrir liggja skýrsla Eflu um fjarvarmaveitu á Seyðisfirði þar sem farið er yfir möguleika á framtíðarrekstri, kynningarglærur Eflu frá íbúafundi á Seyðisfirði 16.05.2022 og punktar frá íbúafundi um kyndingakosti til framtíðar á Seyðisfirði. Einnig gerði sveitarstjóri grein fyrir fundi er hann átti með forstjóra og fyrrum forstjóra Rarik fimmtudaginn 18.08.2022 þar sem þessi mál voru rædd m.a.

Eftirfarandi tillaga lögð fram:
Byggðaráð felur sveitarstjóra að koma á sameiginlegum fundi sveitarstjórnar, fulltrúa HEF og Rarik þar sem næstu skref varðandi framtíðarfyrirkomulag hitaveitu á Seyðisfirði verði til umfjöllunar.

Samþykkt samhljóða án atkvæðagreiðslu.

Inn á fundinn undir þessum lið komu fulltrúar Rarik, þeir Magnús Þór Ásmundsson, forstjóri, Tryggvi Þór Haraldsson, ráðgjafi forstjóra og Tryggvi Ásmundsson og fóru yfir hugmyndir varðandi framtíðarfyrirkomulag hitaveitu á Seyðisfirði og áform um lagningu þriggja fasa rafmagns í Berufirði. Einnig kom inn á fundinn undir þessum lið Aðalsteinn Þórhallsson, framkvæmdastjóri HEF-veitna.

Eftirfarandi tillaga lögð fram:
Byggðaráð Múlaþings þakkar fulltrúum Rarik og HEF-veitna þeirra komu á fundinn og upplýsandi samtal.

Farið yfir stöðu mála og næstu skref varðandi framtíðarfyrirkomulag hitaveitu á Seyðisfirði.

Eftirfarandi tillaga lögð fram:
Á grundvelli fyrirliggjandi niðurstaðna greiningarvinnu, er unnin var af Eflu fyrir Múlaþing, HEF veitur og Rarik, samþykkir byggðaráð Múlaþings að skipa starfshóp með því markmiði að móta tillögu að framtíðarfyrirkomulagi hitaveitu á Seyðisfirði, tímaáætlun framkvæmdar auk kostnaðargreiningar þar sem fram komi hlutdeild núverandi rekstraraðila, sveitarfélagsins og notenda. Starfshópurinn skal skipaður þannig að þar sitji fjármálastjóri Múlaþings, umhverfis- og framkvæmdamálastjóri Múlaþings, fulltrúi HEF-veitna, fulltrúi tilnefndur af heimastjórn Seyðisfjarðar, fulltrúi tilnefndur af Rarik, auk tveggja kjörinna fulltrúa, einum frá meirihluta og einum frá minnihluta. Öðrum hugmyndum en þeim er koma fram í fyrirliggjandi greiningu, skal vísað til starfshópsins til umfjöllunar. Horft er til þess að starfshópurinn skili niðurstöðum til byggðaráðs í síðasta lagi í lok mars 2023.

Samþykkt samhljóða án atkvæðagreiðslu.

Fyrir liggur erindisbréf starfshóps um framtíðarfyrirkomulag hitaveitu á Seyðisfirði.

Eftirfarandi tillaga lögð fram:
Byggðaráð Múlaþings samþykkir fyrirliggjandi erindisbréf starfshóps um framtíðarfyrirkomulag hitaveitu á Seyðisfirði og felur sveitarstjóra að kalla hópinn saman til fyrsta fundar.

Samþykkt samhljóða með handauppréttingu.

Fyrir fundinum liggur beiðni um að heimastjórn Seyðisfjarðar tilnefni fulltrúa í starfshóp um framtíðarfyrirkomulag hitaveitu á Seyðisfirði.


Heimastjórn Seyðisfjarðar tilnefnir Jón Halldór Guðmundsson í starfshóp varðandi hitaveitu Seyðisfjarðar.

Samþykkt samhljóða með handauppréttingu.

Farið yfir stöðuna varðandi starfshóp um hitaveitu á Seyðisfirði. Fram kom að tafist hefur að kalla hópinn saman vegna óviðráðanlegra orsaka.

Heimastjórn telur mikilvægt að starfshópurinn komi saman sem fyrst í ljósi þess að skila á tillögum um lausn mála í mars.

Samþykkt samhljóða með handauppréttingu.

Fyrir liggja fundargerðir starfshóps um kyndingarkosti á Seyðisfirði dags. 22.02.23, 01.03.23 og 08.03.23.

Lagt fram til kynningar.

Fyrir liggur fundargerð starfshóps um kyndingarkosti á Seyðisfirði dags. 22.03.23.

Lagt fram til kynningar.

Fyrir liggja fundargerðir starfshóps um kyndingarkosti á Seyðisfirði, dags. 29.03.2023 og 05.04.2023.

Lagt fram til kynningar

Fyrir liggja fundargerðir starfshóps um kyndingarkosti á Seyðisfirði, dags. 26.04. og 19.04.2023.

Lagt fram til kynningar

Fyrir liggja fundargerðir starfshóps um kyndingarkosti á Seyðisfirði, dags. 02.05, 11.05. og 17.05.2023.

Lagt fram til kynningar.

Fyrir liggja fundargerð starfshóps um kyndingarkosti á Seyðisfirði, dags. 25.05.2023.

Lagt fram til kynningar.

Fyrir liggur skýrsla starfshóps um framtíðarrekstur hitaveitu á Seyðisfirði.

Eftirfarandi tillaga lögð fram:
Byggðaráð Múlaþings þakkar starfshópnum fyrir vandaða vinnu og felur fulltrúum í byggðaráði að kynna sér vel þær niðurstöður er fram koma í skýrslu starfshópsins. Niðurstöður starfshópsins verða síðan teknar til frekari umfjöllunar og afgreiðslu á fundi byggðaráðs 4. júlí nk.

Samþykkt samhljóða án atkvæðagreiðslu.

Fyrir liggur skýrsla starfshóps um framtíðarrekstur hitaveitu á Seyðisfirði.

Eftirfarandi tillaga lögð fram:
Byggðaráð Múlaþings samþykkir að farið verði að tillögu starfshópsins þ.e. að kynding fjarvarmaveitu verði með miðlægri varmadælu. Sveitarstjóra falið, í samráði við HEF veitur, að koma á viðræðum við núverandi eigendur varðandi framlag viðkomandi til verkefnisins sem og að fá staðfest framlög Orkusjóðs og annarra opinberra stofnana til verkefnisins eins og gert er ráð fyrir í skýrslu starfshópsins. Horft verði til þess að rekstur fjarvarmaveitu á Seyðisfirði verði á forræði HEF veitna.

Samþykkt samhljóða án atkvæðagreiðslu.

Á fundinn kom Óli Grétar Metúsalemsson, verkefnisstjóri Eflu, og fór yfir skýrslu starfshóps um framtíðarrekstur hitaveitu á Seyðisfirði. Verkefni starfshópsins var að móta tillögu að framtíðarfyrirkomulagi hitaveitu á Seyðisfirði á grundvelli fyrirliggjandi niðurstaðna greiningarvinnu er unnin var af Eflu fyrir Múlaþing, HEF veitur og Rarik.

Heimastjórn þakkar Óla fyrir yfirferðina og hvetur sveitarfélagið til þess að kynna niðurstöðurnar fyrir íbúum Seyðisfjarðar sem fyrst.

Samþykkt samhljóða með handauppréttingu.

Björn Ingimarsson sveitarstjóri sat fundinn undir þessum lið og fór yfir stöðu mála varðandi fjarvarmaveitu Seyðisfjarðar.

Eftirfarandi tillaga lögð fram:
Heimastjórn þakkar Birni kærlega fyrir komuna og upplýsingarnar og leggur til að málið verði kynnt íbúum á komandi íbúafundi heimastjórnar.

Samþykkt samhljóða með handauppréttingu.