Fréttir

Múlaþing óskar íbúum og landsmönnum öllum gleðilegrar hátíðar og farsældar á komandi ári. Múlaþing, í samstarfi við Björgunarsveitir og íþróttafélögin Neista og Huginn, stendur að brennum og flugeldasýningum í öllum kjörnum Múlaþings og hér má sjá tímasetningar.

Sendum íbúum Austurlands og landsins alls hugheilar jóla- og nýárskveðjur með þökk fyrir ánægjuleg samskipti á líðandi ári.

Skrifstofur Múlaþings verða lokaðar föstudaginn 23. desember og til og með 26. desember. Skrifstofurnar verða opnar eftir jólin frá 27. til og með 30. desember á hefðbundnum opnunartíma þeirra.

Aukafundur sveitarstjórnar Múlaþings nr. 31 verður haldinn miðvikudaginn 21. desember 2022 klukkan 14:00.

Krafan um aukna sjálfbærni og bætta meðhöndlun úrgangs hefur aukist umtalsvert undanfarin ár. Í kjölfar þess voru umfangsmiklar lagabreytingar samþykktar á Alþingi í júní 2021 sem munu ganga í gildi þann 1. janúar 2023. Tilgangurinn með breyttum lögum er að skapa skilyrði fyrir myndun hringrásarhagkerfis svo stuðla megi að sjálfbærri auðlindanotkun og draga úr myndun úrgangs. Rík áhersla er lögð á endurvinnslu og endurnotkun hverskonar og sem besta flokkun úrgangs.

Það hefur verið líf og fjör á Minjasafni Austurlands í desember en yfir 220 grunnskólanemendur hafa heimsótt safnið undanfarna daga í skipulögðum jólaheimsóknum. Flestir hafa nemendurnir verið af yngsta stigi og var þeim boðið upp á fræðslu um jólasveinana þrettán með áherslu á þá gripi og athafnir sem þeir draga nöfn sín af eða höfðu sérstakan áhuga á samkvæmt jólasveinavísum Jóhannesar úr Kötlum.

Þann 18. desember næstkomandi verður hið einstaka tré tendrað með kertum og ljóskerum

Ákveðið hefur verið að ganga til samninga við Dagnýju Erlu Ómarsdóttur varðandi ráðningu í starf fulltrúa sveitarstjóra á Seyðisfirði sem hefur meðal annars það hlutverk að undirbúa fundi heimastjórnar.

Næsti fundur sveitarstjórnar Múlaþings nr. 30 verður haldinn miðvikudaginn 14. desember 2022 klukkan 14:00. Hægt er að fylgjast með fundinum í beinni útsendingu á netinu, þar er einnig hægt að skoða upptökur af síðustu fundum.

Miðvikudaginn 7. desember var haldinn kynning á frumathugun á ofanflóðavörnum fyrir svæðið milli Dagmálalækjar og Búðarár á Seyðisfirði.