Fjölskylduráð Múlaþings

Eftirtaldar gjaldskrár fyrir skólaárið 2023-2024 liggja fyrir til samþykktar. Listadeildin Seyðisfjarðarskóla, Tónlistarskólinn á Egilsstöðum, Tónlistarskólinn í Fellabæ og Tónlistarskólinn á Djúpavogi.

Búið er að samræma systkinaafslátt milli tónlistaskólanna og hækka gjöld um 3,5%. Fjölskylduráð felur fræðslustjóra að fara í heildarendurskoðun á gjaldskrám skólanna.

Fjölskylduráð samþykkir fyrirliggjandi gjaldskrár með handauppréttingu.

Fyrir liggur skóladagatal leikskóladeildar Seyðisfjarðarskóla, fyrir skólaárið 2023-2024. Búið er að kynna það fyrir starfsfólki leikskóladeildar.

Fjölskylduráð samþykkir fyrir sitt leyti fyrirliggjandi leikskóladagatal leikskóladeildar Seyðisfjarðarskóla.

Samþykkt samhljóða með handauppréttingu.

Fyrir liggur minnisblað með hugmyndum um opnun nýrrar deildar fyrir yngstu börnin sem ekki fá leikskólapláss á Fljótsdalshéraði.

Málið áfram í vinnslu.

Fyrir liggja uppfærðar reglur á daggæsluframlagi til foreldra. Jafnframt liggur fyrir hugmynd að heimgreiðsluframlagi til foreldra, kjósi þeir að vera heima með barnið sitt í stað þess að þiggja leikskólapláss.

Breytingar á reglum um daggæsluframlag til foreldra felast í staðfestri umsókn um leikskólapláss í umsóknarkerfi sveitarfélagsins. Jafnframt vill fjölskylduráð skoða möguleika á hækkun daggæsluframlags til foreldra við fjáhagsáætlunargerð í haust.

Meirihluti fjölskylduráðs telur ekki tímabært að koma á heimgreiðslum til foreldra sem kjósa að vera með börn sín heima þar sem ekki er gert ráð fyrir þeim í fjárhagsáætlun ársins 2024.

Reglur um daggæsluframlag eru samþykktar samhljóða með handauppréttingu og vísar fjölskylduráð þeim áfram til sveitarstjórnar til staðfestingar.

Eftirtaldir fulltrúar í fjölskylduráði hafna afgreiðslu fjölskylduráðs á heimgreiðslum (ÁMS, JHÞ).

Fyrir liggur uppfærður þjónustusamningur vegna náms barna með lögheimili í Fljótsdalshreppi.

Fjölskylduráð samþykkir þjónustusamninginn fyrir sitt leyti og vísar honum til sveitarstjórnar til samþykktar.

Samþykkt samhljóða með handauppréttingu.

Fyrir liggur erindi frá Birnu Sólrúnu Andrésdóttur, dagsett 24. ágúst 2023. Í erindinu er óskað eftir skólaakstri frá heimili sem er í dreifbýli að skóla.

Fjölskylduráð samþykkir með vísan til 1. greinar reglna um skólaakstur í grunnskóla nr. 656/2009, beiðni um skólakstur og er fræðslustjóra falið að koma honum á. Horfa þarf til öryggis barna í umferðinni þegar þau ferðast á milli skóla og heimilis.

Samþykkt samhljóða með handauppréttingu.

Fræðslustjóri fór yfir skýrslu fræðslustjóra