Fjölskylduráð Múlaþings

164. fundur 17. ágúst 2026 kl. 09:00 - 11:25 í fjarfundi

Nefndarmenn

Jónína Brynjólfsdóttir formaður
Herdís Magna Gunnarsdóttir aðalmaður
Björg Eyþórsdóttir aðalmaður
Erlingur Hjörvar Guðjónsson aðalmaður
Jóhann Hjalti Þorsteinsson aðalmaður
Erla Gunnlaugsdóttir varamaður
Helgi Hlynur Ásgrímsson áheyrnarfulltrúi
Guðný Lára Guðrúnardóttir varamaður

Starfsmenn

Sigurbjörg Hvönn Kristjánsdóttir sviðsstjóri menntunar og lýðheilsu
Stefanía Malen Stefánsdóttir grunnskólafulltrúi
Ingibjörg Jónsdóttir verkefnastjóri á fjölskyldusviði
Anna Alexandersdóttir sviðsstjóri velferðar

Fundargerð ritaði: Ingibjörg Jónsdóttir verkefnastjóri velferðar á fjölskyldusviði

Áheyrnarfulltrúi tónlistarskóla Sóley Þrastardóttir sat lið 1. Áheyrnarfulltrúar grunnskóla Ásgrímur Ingi Arngrímsson og Karen Sveinsdóttir sátu lið 2. Áheyrnarfulltrúar leikskóla Hugrún Malmquist Jónsdóttir, Kolbrún Nanna Magnúsdóttir og Ása Karen Hannibalsdóttir sátu liði 3 - 4. Skólastjórarnir Guðrún Sigríður Sigurðardóttir og Þorbjörg Sandholt fylgdu eftir liðum sinna skóla.

1.Tónlistarkennsla á Djúpavogi

Málsnúmer 202606167 Vakta málsnúmer

Á fundi heimastjórnar 26. júní sl. vísaði heimastjórn erindi frá Írisi Birgisdóttur og Kristjáni Ingimarssyni, um tónlistarkennslu á Djúpavogi, til fjölskylduráðs. Heimastjórn hvetur til þess að tónlistarkennslu verði gert hærra undir höfði en verið hefur og skapaðar verði góðar aðstæður fyrir hana til að þrífast og dafna á Djúpavogi.

Fjölskylduráð þakkar fyrir erindið og tekur undir mikilvægi tónlistarkennslu á Djúpavogi. Málið er í vinnslu með skólastjórnanda.

Samþykkt samhljóða með handauppréttingu.

2.Tölustafir innleiddir í stað bókstafa í grunnskólum

Málsnúmer 202608069 Vakta málsnúmer

Mennta- og barnamálaráðuneytið hrindir í framkvæmd breytingum á námsmati í grunnskólum frá og með skólaárinu 2026-2027. Breytingarnar verða innleiddar í tveimur áföngum. Fyrsti áfangi tekur formlega gildi vorið 2027 og nær til lokamats í 10. bekk, en undirbúningur hefst haustið 2026. Annar áfangi tekur formlega gildi vorið 2028 og nær til lokamats í 4. og 7. bekk.

Sviðsstjóra menntunar og lýðheilsu er falið að taka saman umsögn um breytingarnar sem og vinnulagið fyrir hönd sveitarfélagsins, í samræmi við umræður á fundinum.

Samþykkt samhljóða með handauppréttingu.

3.Leikskólinn Bjarkatún. Beiðni um viðbótarfjármagn vegna stuðningsþarfa haust 2026.

Málsnúmer 202608014 Vakta málsnúmer

Fyrir liggur beiðni um viðbótarfjármagn vegna stuðningsþarfa barna á haustönn 2026.

Fjölskylduráð samþykkir beiðni skólastjóra Bjarkatúns.

Samþykkt samhljóða með handauppréttingu.

4.Mannauðsmál í leikskólum 2026-2027

Málsnúmer 202608071 Vakta málsnúmer

Við upphaf skólaárs er hér lagt fram yfirlit yfir stöðu mönnunar í leikskólum Múlaþings. Gerð er grein fyrir stöðu ráðninga, lausum störfum og helstu áskorunum sem tengjast mönnun við upphaf skólaárs.

Sviðsstjóri menntunar og lýðheilsu kynnti stöðu ráðninga í leikskólum Múlaþings. Gengið hefur nokkuð vel að ráða í stöður leikskólanna. Staðan er þó erfið í Tjarnarskógi þar sem ekki hefur tekist að tryggja nægilega mönnun og því ekki hægt að hefja aðlögun yngsta hópsins að svo stöddu.

Málið verður tekið fyrir að nýju.

5.Skýrsla sviðsstjóra fjölskyldusviðs

Málsnúmer 202512222 Vakta málsnúmer

Fyrir liggur skýrsla sviðsstjóra menntunar og lýðheilsu.

Lagt fram til kynningar.

6.Kynning á verkefninu Föruneyti barna.

Málsnúmer 202606038 Vakta málsnúmer

Guðmunda Vala Jónasdóttir, skólastjóri Hádegishöfða, kom inn á fund og kynnti verkefnið Föruneyti barna.

Fjölskylduráð þakkar fyrir upplýsandi kynningu.

Fundi slitið - kl. 11:25.