Heimastjórn Fljótsdalshéraðs

Fyrir liggur frá Skipulagsstofnun, dagsett 3. apríl 2023, ósk um umsögn um breytingu á umhverfismatsskýrslu Fjarðarheiðarganga, vegna breytingar á veglínu Suðurleiðar og færslu á inntakslóni vatnsveitu í Seyðisfirði, skv. 19. gr. laga um umhverfismat framkvæmda og áætlana nr. 111/2021.

Í umsögninni skal koma fram eftir því sem við á, hvort Múlaþing telji að nægjanlega sé gerð grein fyrir framkvæmdinni, umhverfi hennar, umhverfisáhrifum, mótvægisaðgerðum og vöktun eftir því sem við á. Jafnframt hvort og þá hvaða atriði þurfi að skýra frekar og hvort þau kalli á að framkvæmdin fari í umhverfismat að teknu tilliti til viðmiða í 2. viðauka laga um umhverfismat framkvæmda og áætlana. Jafnframt skal í umsögn gera grein fyrir leyfum sem framkvæmdin er háð og eru á starfssviði umsagnaraðila.

Heimastjórn Fljótsdalshéraðs felur skipulagsfulltrúa að senda umsögn heimastjórnar til Skipulagsstofnunar.

Samþykkt samhljóða með handauppréttingu.

Fyrir liggur frá Skipulagsstofnun, dagsett 14. apríl 2023, ósk um umsögn um meðfylgjandi matsáætlun vegna vindmylla við Lagarfoss, skv. 21. gr. laga um umhverfismat framkvæmda og áætlana nr. 111/2021 og 12. gr. reglugerðar nr. 1381/2021 um umhverfismat framkvæmda og áætlana.

Í umsögninni þarf eftir því sem við á að koma fram hvort umsagnaraðili hafi athugasemdir við það hvernig framkvæmdaraðili hyggst vinna að umhverfismati framkvæmdarinnar, út frá sínu starfssviði, svo sem um skilgreiningu valkosta, gagnaöflun, úrvinnslu gagna, umhverfismat og framsetningu umhverfismatsskýrslu. Einnig, ef á skortir, hvaða atriðum umsagnaraðili telur að gera þurfi frekari skil eða hafa sérstaklega í huga við umhverfismat framkvæmdarinnar. Leyfisveitendur skulu í umsögn sinni gera grein fyrir þeim leyfum sem eru á starfssviði þeirra og framkvæmdin er háð.

Heimastjórn Fljótsdalshéraðs felur skipulagsfulltrúa að senda umsögn heimastjórnar til Skipulagsstofnunar.

Samþykkt samhljóða með handauppréttingu.

Fyrir liggur frá Sýslumanninum á Austurlandi beiðni um umsögn vegna umsóknar frá Önnu Kristínu Magnúsdóttur, dagsett 18.4. 2023, um rekstrarleyfi til reksturs gististaðar í flokki III-D, gistiskáli D, að Eiðum 5, 701 Egilsstöðum.

Fyrir liggja umsagnir frá slökkviliði, byggingarfulltrúa, skipulagsfulltrúa.

Þar sem umsagnir byggingarfulltrúa og slökkviliðs eru neikvæðar veitir heimastjórn Fljótsdalshéraðs neikvæða umsögn um rekstrarleyfi.

Samþykkt samhljóða með handauppréttingu.

Fyrir liggja ályktanir aðalfundar Náttúruverndarsamtaka Austurlands sem haldinn var þann 20. mars 2023 á Egilsstöðum.

Lagt fram til kynningar.

Fyrir liggja punktar frá samtalsfundum heimastjórnar Fljótsdalshéraðs með íbúum, en fundirnir voru haldnir á Iðavöllum, í Valaskjálf, á Eiðum og í Brúarásskóla í mars og apríl síðast liðnum.

Farið yfir punkta frá samtalsfundum heimastjórnar Fljótsdalshérðs.

Heimstjórn Fljótsdalshéraðs samþykkir að setja mál í ferli til starfsfólks og í málakerfi sveitarfélagsins til frekari fyrirtöku.

Samþykkt samhljóða með handauppréttingu.