Sjálfsafgreiðslustöð N1 á Djúpavogi.

Heimastjórn óskar eftir því við umhverfis og framkvæmdaráð að kannað verði hvort staðsetning sjálfsafgreiðslustöðvar N1 á Djúpavogi standist núverandi skipulag, enda var stöðin sett niður án grenndarkynningar og án samráðs við íbúa á sínum tíma.

Heimastjórn telur mikilvægt að eldsneytisafgreiðslu verði fundin ný staðsetning til framtíðar fjær íbúðabyggð og með mögulega uppbyggingu á frekari þjónustu í huga.

Fyrir umhverfis- og framkvæmdaráði liggur erindi frá heimastjórn Djúpavogs þar sem óskað er eftir upplýsingum um hvort staðsetning sjálfsafgreiðslustöðvar N1 á Djúpavogi standist núverandi skipulag. Heimastjórn Djúpavogs telur mikilvægt að eldsneytisafgreiðslu verði fundinn ný staðsetning til framtíðar fjarri íbúðabyggð.

Eftirfarandi tillaga lögð fram:
Umhverfis- og framkvæmdaráð hefur skoðað málið og er eldsneytisafgreiðsla N1 ehf. á Djúpavogi í samræmi við gildandi Aðalskipulag Djúpvagogshrepps 2008-2020.

Samþykkt samhljóða.

Fyrir fundinum lá bókun umhverfis- og framkvæmdaráðs dags. 15.5.2023 varðandi staðsetningu á sjálfsafgreiðslustöð N1 á Djúpavogi sem er eftirfarandi:

202205010 - Sjálfsafgreiðslustöð N1 á Djúpavogi.
Fyrir umhverfis- og framkvæmdaráði liggur erindi frá heimastjórn Djúpavogs þar sem óskað er eftir upplýsingum um hvort staðsetning sjálfsafgreiðslustöðvar N1 á Djúpavogi standist núverandi skipulag. Heimastjórn Djúpavogs telur mikilvægt að eldsneytisafgreiðslu verði fundin ný staðsetning til framtíðar fjarri íbúðabyggð.

Eftirfarandi tillaga lögð fram:
Umhverfis- og framkvæmdaráð hefur skoðað málið og er eldsneytisafgreiðsla N1 ehf. á Djúpavogi í samræmi við gildandi Aðalskipulag Djúpavogshrepps 2008-2020.

Samþykkt samhljóða.

Forsendur fyrir staðsetningu á eldsneytisdælum á Djúpavogi hafa gjörbreyst samhliða stóraukinni umferð í tengslum við ferðaþjónustu og þungaflutninga. Hvort tveggja hefur neikvæð áhrif á lífsgæði íbúa og ásýnd svæðisins. Með vísan til niðurstöðu umhverfis- og framkvæmdaráðs leggur heimastjórn á Djúpavogi til að nú þegar hefjist undirbúningur að breytingu á gildandi aðalskipulagi með það fyrir augum að eldsneytisafgreiðslunni verði fundinn staður fjær íbúðabyggð.

Samþykkt samhljóða.

Á 38. fundi heimastjórnar Djúpavogs var því beint til umhverfis- og framkvæmdaráðs að hefja nú þegar undirbúning að breytingu á gildandi aðalskipulagi með það fyrir augum að eldsneytisafgreiðslunni verði fundinn staður fjær íbúðabyggð. Forsenda breytingarinnar er sú aðstæður hafa breyst með stóraukinni umferð í tengslum við ferðaþjónustu og þungaflutninga. Hvort tveggja hefur neikvæð áhrif á lífsgæði íbúa og ásýnd svæðisins.

Eftirfarandi tillaga lögð fram:
Umhverfis- og framkvæmdaráð vísar því til gerðar nýs aðalskipulags að finna hentuga staðsetningu fyrir bensínafgreiðslu á Djúpavogi.

Samþykkt samhljóða.

Fyrir fundinum lá erindi frá nágrönnum sjálfsafgreiðslustöðvar N1 á Djúpavogi.

Heimastjórn áréttar af þessu tilefni bókun sína frá 1. júní og ítrekar óskir sínar um að nú þegar verði hafinn undirbúningur að breytingu á gildandi aðalskipulagi með það fyrir augum að eldsneytisafgreiðslunni verði fundinn staður fjær íbúðabyggð. Erindinu vísað til umhverfis- og framkvæmdaráðs.

Samþykkt samhljóða.

Fyrir umhverfis- og framkvæmdaráði liggur ítrekuð bókun frá heimastjórn Djúpavogs um að tafarlaust verði hafin vinna við breytingu á Aðalskipulagi Djúpavogshrepps 2008-2020 með það fyrir augun að eldsneytisafgreiðslu verði fundinn staður fjær íbúðabyggð.

Eftirfarandi tillaga lögð fram:
Umhverfis- og framkvæmdaráð felur formanni ráðsins að funda með formanni heimastjórnar á Djúpavogi og forsvarsaðilum N1 ehf. varðandi framtíðaráform þeirra á Djúpavogi.

Samþykkt samhljóða.

Fyrir fundinum lá bókun umhverfis- og framkvæmdaráðs dags. 21. ágúst.

202205010 - Sjálfsafgreiðslustöð N1 á Djúpavogi.
Fyrir umhverfis- og framkvæmdaráði liggur ítrekuð bókun frá heimastjórn Djúpavogs um að tafarlaust verði hafin vinna við breytingu á Aðalskipulagi Djúpavogshrepps 2008-2020 með það fyrir augum að eldsneytisafgreiðslu verði fundinn staður fjær íbúðabyggð.

Eftirfarandi tillaga lögð fram:
Umhverfis- og framkvæmdaráð felur formanni ráðsins að funda með formanni heimastjórnar á Djúpavogi og forsvarsaðilum N1 ehf. varðandi framtíðaráform þeirra á Djúpavogi.

Samþykkt samhljóða.

Lagt fram til kynningar.

Formaður umhverfis- og framkvæmdaráðs og verkefnastjóri skipulagsmála kynna niðurstöðu funda sem þær hafa setið með forsvarsaðilum N1. ehf. varðandi framtíðaráform þeirra á Djúpavogi.

Eftirfarandi tillaga lögð fram:
Umhverfis- og framkvæmdaráð staðfestir fyrri bókun sína frá fundi 19. júní sl. þar sem því er vísað til gerðar nýs Aðalskipulags Múlaþings að finna nýja staðsetningu bensínafgreiðslu N1 ehf. á Djúpavogi. Í samræmi við niðurstöðu nýlegra funda með N1. ehf. verður gert ráð fyrir lóð undir bensínafgreiðslu fyrirtækisins nærri gatnamótum Hringvegar og Djúpavogsvegar.

Samþykkt samhljóða.

Fyrir fundinum lá bókun umhverfis- og framkvæmdaráðs sem samþykkt var samhljóða á fundi ráðsins 18. desember 2023.

Umhverfis- og framkvæmdaráð staðfestir fyrri bókun sína frá fundi 19. júní sl. þar sem því er vísað til gerðar nýs Aðalskipulags Múlaþings að finna nýja staðsetningu bensínafgreiðslu N1 ehf. á Djúpavogi. Í samræmi við niðurstöðu nýlegra funda með N1 ehf. verður gert ráð fyrir lóð undir bensínafgreiðslu fyrirtækisins nærri gatnamótum Hringvegar og Djúpavogsvegar.

Heimastjórn leggur áherslu á að gætt verði jafnræðis milli seljenda eldsneytis við úthlutun lóða samkvæmt nýju skipulagi.

Að öðru leyti lagt fram til kynningar.