Umhverfis- og framkvæmdaráð Múlaþings

Fundargerð frá 1. fundi stýrihóps um gerð nýs Aðalskipulags Múlaþings 2025-2045 lögð fram til kynningar.
Skipulagsfulltrúi situr fundinn undir þessum lið.

Fyrir umhverfis- og framkvæmdaráði liggur að taka til umfjöllunar að nýju þær athugasemdir sem borist hafa við rammahluta aðalskipulags vegna ferðamannastaðar við Stuðlagil.
Skipulagsfulltrúi situr fundinn undir þessum lið.

Eftirfarandi tillaga lögð fram:
Málið er í vinnslu og verður tekið fyrir að nýju á næsta fundi ráðsins og þá skal bjóða til fundarins landeigendum sem og skipulagshönnuðum, fulltrúa Austurbrúar og öðrum er tengst hafa stjórn verkefnisins.

Auglýsingu tillögu vegna breytinga á Aðalskipulagi Seyðisfjarðarkaupstaðar 2010-2030 fyrir Skaganámu lauk 2. júní síðast liðinn. Umsagnir bárust frá Minjastofnun Íslands og Skógræktarfélagi Seyðisfjarðar en engar athugasemdir gerðar.
Skipulagsfulltrúi situr fundinn undir þessum lið.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og vísar henni til staðfestingar hjá byggðaráði sem fer með fullnaðarafgreiðslu mála í sumarleyfi sveitarstjórnar.

Samþykkt samhljóða.

Fyrir umhverfis- og framkvæmdaráði liggur að taka afstöðu til deiliskipulags á Úlfsstaðaholti á Völlum. Fyrir liggur ítrekun á erindi um að ráðið samþykki deiliskipulagið og óskað verði eftir undanþágu frá fjarlægð byggingarreita að vegi til Innviðaráðuneytisins.
Skipulagsfulltrúi situr fundinn undir þessum lið.

Frestað til næsta fundar.

Fyrir umhverfis- og framkvæmdaráði liggur tillaga að útfærslu lóðamarka við Kaupvang 4 á Egilsstöðum.
Skipulagsfulltrúi situr fundinn undir þessum lið.

Frestað til næsta fundar.

Ómar Guðmundsson kynnir þau verkefni sem Hrafnshóll vinnur að í sveitarfélaginu og stöðu þeirra.

Á 35. fundi heimastjórnar Seyðisfjarðar var því beint til umhverfis- og framkvæmdaráðs að taka til umfjöllunar innsent erindi frá Margréti Veru Knútsdóttur, dags. 22.5.2023, þar sem áhyggjum er lýst af öryggi ferðamanna sem ganga eftir þjóðveginum upp að Gufufossi.

Frestað til næsta fundar.

Á 38. fundi heimastjórnar Djúpavogs var því beint til umhverfis- og framkvæmdaráðs að hefja nú þegar undirbúning að breytingu á gildandi aðalskipulagi með það fyrir augum að eldsneytisafgreiðslunni verði fundinn staður fjær íbúðabyggð. Forsenda breytingarinnar er sú aðstæður hafa breyst með stóraukinni umferð í tengslum við ferðaþjónustu og þungaflutninga. Hvort tveggja hefur neikvæð áhrif á lífsgæði íbúa og ásýnd svæðisins.

Eftirfarandi tillaga lögð fram:
Umhverfis- og framkvæmdaráð vísar því til gerðar nýs aðalskipulags að finna hentuga staðsetningu fyrir bensínafgreiðslu á Djúpavogi.

Samþykkt samhljóða.

Fyrir umhverfis- og framkvæmdaráði liggur erindi frá íbúum við Búland 2, 4, 6 og 8 auk Steina 3 á Djúpavogi þar sem farið er fram á að starfsleyfi eldsneytisafgreiðslu N1 við Búland 1 verði fellt úr gildi á þeirri forsendu að það samræmist ekki skipulagsákvæðum.

Eftirfarandi tillaga lögð fram:
Umhverfis- og framkvæmdaráð þakkar erindið en bendir á að sveitarfélagið er ekki leyfisveitandi þegar kemur að útgáfu starfsleyfa heldur Heilbrigðiseftirlit Austurlands. Eins og ráðið hefur áður bókað undir máli nr. 202205010 er rekstur eldsneytisafgreiðslu á Búlandi 1 í samræmi við gildandi skipulag. Umhverfis- og framkvæmdaráð vísar erindinu til Heilbrigðiseftirlits Austurlands.

Samþykkt samhljóða.

Á 38. fundi heimastjórnar Djúpavogs var samþykkt að beina því til umhverfis- og framkvæmdaráðs við gerð fjárhagsáætlunar fyrir 2024 verði tryggt fjármagn til gerðar deiliskipulags fyrir miðbæ Djúpavogs.

Máli frestað.

Fundargerð frá 1. fundi starfshóps um undirbúning nýs Seyðisfjarðarskóla lögð fram til kynningar.

Lagt er fram til kynningar afrit af samþykki Orkustofnunar á beiðni Arctic Hydro um framlengingu rannsóknarleyfis vegna áforma um Geitdalsárvirkjun, leyfi OS-2023-L013-03.

Fulltrúar V-lista (PH og ÁMS) lögðu fram eftirfarandi bókun:
Það ríkir mikil upplýsingaóreiða um það hvort og þá hver er orkuþörf í landinu. Hvergi er meiri raforkuframleiðsla miðað við íbúafjölda en á Austurlandi. Mjög skortir á umræðu og ákvarðanir varðandi það í hvernig framleiðslu skuli forgagnsraða orku. Að kalla Geitdalsárvirkjun smávirkjun segir ekkert eða a.m.k. mjög takmarkað um það rask sem af tilurð hennar mun hljótast og svo lengi sem ekki liggur fyrir í hvað orka úr henni á að fara þá er þetta svæði mikilvægara villt en virkjað. Það er m.a. með vísan í að íslenskur efnahagur er ekki síst drifinn af ferðaþjónustu sem aftur byggir á náttúru landsins.