Fara í efni

Umhverfis- og framkvæmdaráð Múlaþings

155. fundur 30. júní 2025 kl. 08:30 - 09:35 í fjarfundi
Nefndarmenn
  • Jónína Brynjólfsdóttir formaður
  • Sylvía Ösp Jónsdóttir varamaður
  • Björgvin Stefán Pétursson aðalmaður
  • Ásdís Hafrún Benediktsdóttir aðalmaður
  • Eiður Gísli Guðmundsson aðalmaður
  • Þórunn Hrund Óladóttir aðalmaður
  • Pétur Heimisson aðalmaður
  • Hannes Karl Hilmarsson áheyrnarfulltrúi
Starfsmenn
  • Hugrún Hjálmarsdóttir framkvæmda- og umhverfismálastjóri
  • Sóley Valdimarsdóttir verkefnastjóri skipulagsmála
Fundargerð ritaði: Sóley Valdimarsdóttir verkefnastjóri skipulagsmála

1.Fjárhagsáætlun Múlaþings 2026 til 2029

Málsnúmer 202504066Vakta málsnúmer

Fyrir liggur tillaga að rammaáætlun fjárhagsáætlunar Múlaþings fyrir árið 2026 og þriggja ára áætlunar 2027 til 2029, sem samþykkt var á fundi sveitarstjórnar 11. júní sl.
Jafnframt liggja fyrir áherslur heimastjórna við gerð fjárhagáætlunar 2026.
Eftirfarandi tillaga lögð fram:
Umhverfis- og framkvæmdaráð vísar fyrirliggjandi áherslum heimastjórna til framkvæmda- og umhverfismálastjóra vegna endurskoðunar á 10 ára fjárfestingaráætlun.

Rammaáætlun fjárhagsáætlunar lögð fram til kynningar að öðru leiti.

2.Starfshópur um undirbúning nýs Seyðisfjarðarskóla

Málsnúmer 202211079Vakta málsnúmer

Verkefnastjóri framkvæmdamála situr fundinn undir þessum lið.
Fyrir liggur lokatillaga að frumhönnun vegna stækkunar Seyðisfjarðarskóla ásamt fundargerðum starfshóps.
Lagt fram til kynningar.

Gestir

  • Rúnar Matthíasson

3.Samkomulag um uppbyggingu íbúðarhúsnæðis við Fífutún á Egilsstöðum

Málsnúmer 202506181Vakta málsnúmer

Við upphaf máls vakti Þórunn Óladóttir máls á mögulegu vanhæfi sínu vegna vensla og var tillaga þess efnis samþykkt samhljóða. Þórunn vék af fundi við umfjöllun og afgreiðslu málsins.

Fyrir liggja hugmyndir frá Jöklum fasteignafélagi ehf. að uppbyggingu á fjórum fjölbýlishúsalóðum við Fífutún á Egilsstöðum. Félagið hefur óskað eftir samkomulagi við sveitarfélagið í tengslum við lóðaúthlutun og uppbyggingarhraða.
Eftirfarandi tillaga lögð fram:
Umhverfis- og framkvæmdaráð tekur vel í fyrirliggjandi hugmyndir um byggingu fjögurra fjölbýlishúsa við Fífutún 2, 4, 6 og 8 og felur framkvæmda- og umhverfismálastjóra að ganga frá samkomulagi við málsaðila. Gatnagerðargjöld verða innheimt við úthlutun lóðar.

Jafnframt samþykkir ráðið, með vísan til 3. mgr. 43. gr. skipulagslaga nr. 123/2010, að víkja frá kröfum 1. og 2. mgr. sömu greinar um breytingu á deiliskipulagi og grenndarkynningu vegna fyrirliggjandi umsóknar um heimild til að byggja 7 íbúða hús á lóðunum í stað 6 íbúða. Er það gert með vísan til þess að um svo óveruleg frávik sé að ræða í þessu tilviki að hagsmunir nágranna skerðist í engu hvað varðar landnotkun, útsýni, skuggavarp eða innsýn. Jafnframt á þeirri forsendu að heildarfjöldi íbúða á skipulagsreitnum við Votahvamm er innan marka deiliskipulags eftir að íbúðum við Austurtún 2, 4 6 og 8 var fækkað úr níu í fjórar með nýlegri breytingu.

Samþykkt samhljóða.

4.Deiliskipulagsbreyting, Egilsstaðaflugvöllur, aðflugsljós

Málsnúmer 202503075Vakta málsnúmer

Fyrir liggur tillaga til auglýsingar, dags. 23. júní 2025, fyrir breytingu á deiliskipulagi Egilsstaðaflugvallar vegna nýrra aðflugsljósa. Brugðist hefur verið við ábendingu Náttúruverndarstofnunar sem barst við kynningu vinnslutillögu.
Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi skipulagstillögu og leggur til við heimastjórn Fljótsdalshéraðs að hún verði auglýst í samræmi við 41. gr. skipulagslaga nr. 123/2010.

Samþykkt samhljóða.

5.Umsókn um byggingarheimild, Vesturvegur Kúahagi, 711

Málsnúmer 202505255Vakta málsnúmer

Fyrir liggur umsókn um byggingarheimild fyrir byggingu 120m2 skemmu á lóð Golfklúbbs Seyðisfjarðar, Vesturvegur Kúahagi (L155299). Fyrirhuguð áform eru í samræmi við stefnu aðalskipulags en ekkert deiliskipulag er í gildi af svæðinu og liggur fyrir ráðinu að taka afstöðu til grenndarkynningar í samræmi við 1. mgr. 44. gr. skipulagslaga nr. 123/2010.
Eftirfarandi tillaga lögð fram:
Með vísan til 3. mgr. 44. gr. skipulagslaga nr. 123/2010 og með hliðsjón af því ekki er líklegt að áformin hafi veruleg grenndaráhrif samþykkir umhverfis- og framkvæmdaráð að falla frá grenndarkynningu og vísar málinu til afgreiðslu byggingarfulltrúa.

Samþykkt samhljóða.

6.Umsókn um stofnun lóða, Glímeyri og Svarthamarsvík

Málsnúmer 202506269Vakta málsnúmer

Við upphaf máls vakti Ásdís Hafrún Benediktsdóttir máls á mögulegu vanhæfi sínu vegna vensla og var tillaga þess efnis samþykkt samhljóða. Ásdís vék af fundi við umfjöllun og afgreiðslu málsins.

Fyrir liggur umsókn um stofnun tveggja lóða úr landi Urðartegis (L159124) undir spennistöðvar. Lóðirnar verða báðar 56m2 að stærð og fá heitin Svarthamarsvík spennistöð og Glímeyri spennistöð.
Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi umsókn og felur skipulagsfulltrúa að vinna málið áfram.

Samþykkt samhljóða.

Fundi slitið - kl. 09:35.

Getum við bætt efni þessarar síðu?