Fjölskylduráð Múlaþings

Fjölskylduráði barst erindi frá forsvarsfólki Urriðavatnssunds þar sem beðið er um stuðning sveitarfélagsins í formi starfsmanns í einhvern tími áður en sundið er háð.

Fjölskylduráð telur sig ekki geta ráðstafað starfsfólki sveitarfélagsins til ákveðinna verkefna og hafnar því erindinu.

Samþykkt samhljóða.

Fyrir fjölskylduráði liggur erindi frá nokkrum foreldrum þess efnis að óskað er eftir að fjölskylduráð afturkalli styrk til íþróttafélagsins Hattar vegna verkefnisins Allir með.

Fjölskylduráð fékk kynningu á verkefninu á síðasta ári og taldi það vera til framþróunar og eflingar á íþróttastarfi barna á Fljótsdalshéraði. Samþykkt var að gera ráð fyrir 6.000.000 kr. í fjárhagsáætlun fyrir 2022 vegna verkefnisins. Eina breytingin á verkefninu eins og það var kynnt fyrir ráðinu er að gert er ráð fyrir að það nái til barna í 1. og 2. bekk í stað 1.- 4. bekkjar. Ráðgert er að Austubrú stýri mati á verkefninu eftir fyrsta vetur þess í framkvæmd, þ.e. á næsta ári.

Fjölskylduráð telur ekki forsendur til að draga styrkveitinguna til baka og styður aðalstjórn Hattar í sínum áformum með verkefnið Allir með. Ráðið vísar jafnframt á aðalstjórn Hattar sem leiðir og stýrir verkefninu vegna fyrirspurna.

Samþykkt samhljóða.

Fjölskylduráð samþykkir að kanna möguleikann á því að farið verði í útboð vegna reksturs skíðasvæðisins í Stafdal, en fyrir liggur að Skíðafélagið í Stafdal hyggst ekki reka svæðið áfram næsta vetur.

Er starfsmanni ráðsins falið að taka saman þau gögn sem þarf til að hægt sé að taka frekari afstöðu til rekstrarmöguleika svæðisins.

Samþykkt samhljóða.

Fjölskylduráð samþykkir fyrir sitt leyti fyrirliggjandi ramma fjárhagsáætlunar fyrir 2023.

Samþykkt samhljóða.

Starfshópur um móttöku flóttafólks í Múlaþingi hefur lagt til við fjölskylduráð að starfshópurinn leggi niður störf um óákveðinn tíma vegna manneklu, stöðu verkefna og þeirri vinnu sem félagsþjónustan sinnir nú þegar vegna aðstoðar við flóttafólk frá Úkraínu.

Fjölskylduráð samþykkir að starfshópur vegna móttöku flóttafólks í Múlaþingi leggi niður störf um óákveðinn tíma og ógildir erindisbréf hópsins. Fjölskylduráð leggur til að skipaður verði nýr hópur þegar aðstæður skapast.

Fjölskylduráð samþykkir fyrirliggjandi fjárhagsáætlun fyrir sitt leyti.

Samþykkt samhljóða.

Lagt fram til kynningar.

Fjölskylduráð samþykkir fyrirliggjandi reglur um garðslátt sumarið 2022 hjá Múlaþingi.

Lagt fram til kynningar.

Lagt fram til kynningar.

Lagt fram til kynningar.

Fjölskylduráð samþykkir fyrirliggjandi drög af skóladagatali Djúpavogsskóla 2022-2023.

Samþykkt samhljóða.

Fjölskylduráð hefur fjallað um fyrirliggjandi drög að fjárhagsáætlun fræðslumála 2023.

Ljóst er að drögin gera ráð fyrir hærri fjárþörf en gert er ráð fyrir í þriggja ára áætlun sveitarfélagsins.
Rætt um hugsanlega möguleika á hagræðingu en endanleg útfærsla bíður umfjöllunar og afgreiðslu áætlunarinnar í haust þegar staðfest rammaáætlun liggur fyrir.

Samþykkt samhljóða.