Heimastjórn Borgarfjarðar

Lagt fram til kynningar.

Þrjár tillögur bárust og þakkar heimastjórn kærlega fyrir þær. Heimastjórn samþykkir að styrkja tvö verkefni:
Lagningu ljósleiðara inn í Bræðslu til að auðvelda m.a. útsendingu tónlistarhátíðarinnar Bræðslunnar í sjónvarpi og útvarpi.
Áframhaldandi uppbyggingu á leiksvæði milli Fjarðarborgar og Sparkhallar.
Starfsmanni falið að fylgja málinu eftir.
Samþykkt samhljóða án atkvæðagreiðslu.

Heimastjórn óskar Söndru og Karoly velfarnaðar í rekstrinum.

Lagt fram til kynningar.

Heimastjórn fagnar því að til standi að tryggja 48 daga til strandveiða eins og kemur fram stjórnarsáttmála núverandi ríkisstjórnar. Á meðan það er ekki gert þá er samkeppni um takmarkaðan dagafjölda, sem hefur valdið því að strandveiðibátum hefur fækkað í minnstu byggðum á norðaustur- og Austurlandi og færst þangað sem massi strandveiðibáta rær á vesturhluta landsins, þar sem góður færaafli er á fyrstu dögum strandveiða.
Það að flytja línuívilnun yfir í strandveiðipottinn mun hins vegar alls ekki auka atvinnuöryggi á stöðum eins og Borgarfirði. Vegna landfræðilegrar legu og hafnarskilyrða verður aldrei annað en smábátaútgerð á stöðum eins og Borgarfirði en línuívilnun var sett á til að tryggja atvinnu og jafna hlut minni byggða. Línuívilnun tryggir störf í landi árið um kring og styður við það útgerðarmynstur sem verið hefur á Borgarfirði. Strandveiðar veita hins vegar innspýtingu í atvinnulífið part úr ári og er nauðsynlegt að festa í sessi sem stuðning við heilsársveiðar og atvinnu.
Heimastjórn Borgarfjarðar telur aðrar leiðir færar til að tryggja fullan dagafjölda til strandveiða og halda áfram að veita línuívlinun, svo sem að auka hlutfall í félagslega pottinum og taka til í byggðakvótahlutanum. Það er skoðun heimastjórnar að breytingar þær sem lagðar eru fram í frumvarpi innviðaráðherra séu verulega íþyngjandi fyrir Borgarfjörð eystri og aðrar smærri byggðir og að frumvarpið sé enn ein aðförin að minnstu stöðum landsins sem reiða sig að öllu leyti á útgerð smábáta.

Heimastjórn Borgarfjarðar eystri vill að innviðaráðherra falli frá áformum um afnám línuívilnunar.

Samþykkt einróma og vísað til byggðaráðs.

Stefán Aspar Stefánsson, verkefnastjóri umhverfismála kom inn á fundinn og gerði grein fyrir afstöðu sveitarfélagsins. Heimastjórn telur ekki fýsilegt að lýsa yfir lausagöngubanni á svæðinu því þá mun sveitarfélagið bera ábyrgð á að halda svæðinu fjárlausu. Stefán Aspar mun vinna málið áfram með Vegagerðinni í samræmi við umræður á fundinum.

Málið áfram í vinnslu.

Heimastjórn óskar eftir að almannavarnanefnd Austurlands rýni þær aðstæður sem sköpuðust og yfirfari verkferla og að Rarik tryggi að á Borgarfirði sé ávallt til staðar þekking og mannskapur til að bregðast við aðstæðum sem þessum.

Starfsmanni falið að koma ábendingunum áfram.

Samþykkt samhljóða án atkvæðagreiðslu.