Heimastjórn Borgarfjarðar

Heimastjórn leggur áherslu á að snjómokstri á Borgarfjarðarvegi nr. 94 sé sinnt daglega og veginum haldið opnum frá kl. 8 á morgnanna og fram yfir kvöldverðartíma. Mikilvægt er að vegfarendur geti gengið að því vísu að mokstri sé sinnt á ákveðnum tímum.

Áríðandi er að klára breikkun Hafnarvegar frá Heiðinni (mörkum þéttbýlis að sunnanverðu) að Hofströnd. Umferðarþungi um veginn er að minnsta kosti jafnmikill og yfir Vatnsskarð eystra.

Stemma þarf stigu við hraðaakstri við bæjarmörkin norðanmegin. Íbúar hafa sent Vegagerðinni ábendingar um hvaða leiðir væri hægt að fara við hraðatakmörkun og heimastjórn stutt þær hugmyndir.

Umferðarstikur eru ein besta og ódýrasta öryggisaðgerð sem Vegagerðin getur sinnt og þykir heimastjórn leitt hvernig viðhaldi á umferðastikum hefur hrakað á Borgarfjarðarvegi og víðar. Heimastjórn brýnir Vegagerðina til að sinna þessu mikilvæga verkefni af meiri festu.

Ástandið á Loðmundarfjarðarvegi þarfnast úrbóta vegna mikillar umferðar um svæðið. Mikilvægt er að veitt verði fjármunum af hálfu Vegagerðarinnar til úrbóta á veginum fyrir næsta sumar.

Samþykkt samhljóða án atkvæðagreiðslu.

Heimastjórn Borgarfjarðar leggur áherslu á viðhaldsverkefni umfram nýframkvæmdir og að verkefnum sem hafa verið í vinnslu verði lokið. Viðhaldsþörf er mikil, sérstaklega á fasteignum í eigu sveitarfélagsins og gatnakerfi. Heimastjórn telur meira áríðandi að klára þau verkefni sem fyrirliggjandi eru frekar en að fara í nýframkvæmdir.
Starfsmanni falið að koma áherslum heimastjórnar á framfæri við sviðstjóra viðeigandi sviða.
Samþykkt samhljóða án atkvæðagreiðslu.

Heimastjórn þakkar fyrir innsendar tilnefningar. Heimastjórn hefur valið úr og tilnefnt í þá þrjá flokka sem hljóta viðurkenningar og felur starfsmanni að koma þeim á framfæri við verkefnastjóra umhverfismála Múlaþings. Umhverfis- og framkvæmdaráð mun svo velja úr tilnefningum heimastjórna í flokkunum íbúðalóð, fyrirtækjalóð og lögbýli.
Samþykkt samhljóða án atkvæðagreiðslu.

Heimastjórn tekur undir með deildarstjórum leik- og grunnskóla Borgarfjarðar og þykir mjög miður hvernig HEF veitur hafa gengið um útikennslusvæði barnanna við framkvæmdirnar í sumar og þakkar fyrir spurningarnar.
Svæðið er óskilgreint en heimastjórn telur að best færi á ef svæðið yrði nánar skilgreint eftir notkun og mun koma því í farveg. Þegar farið er í framkvæmdir sem þessar er mikilvægt að leitað sé til heimafólks og tekið tillit til ábendinga þeirra. Heimastjórn beinir því til HEF veitna að lagfæra skemmdir á svæðinu í samráði við þjónustumiðstöð og deildarstjóra leik- og grunnskóla Borgarfjarðar.
Heimastjórn undirstrikar mikilvægi þess að gengið sé vel um þegar farið er í framkvæmdir og samráð sé haft við staðkunnuga.

Heimastjórn samþykkir að vísa málinu til HEF veitna vegna lagfæringa á skemmdum og umhverfis- og framkvæmdaráðs vegna skilgreiningar á landnotkun. Samþykkt samhljóða án atkvæðagreiðslu.

Heimastjórn fagnar fyrirhuguðum tilraunaborunum á Borgarfirði. Hún telur gæfulegt að boranir innan þéttbýlisins fari fram um helgi til að lágmarka hávaðamegnun og áhrif á skólastarf og starfsemi í kring um borsvæðið. Þá er mikilvægt að frágangur verði til fyrirmyndar.
Lagt fram til kynningar.

Máli frestað.