Heimastjórn Borgarfjarðar

Heimastjórn tekur undir bókun byggðaráðs frá 7. júlí síðastliðnum þar sem segir meðal annars:
Byggðaráð lýsir þungum áhyggjum af skerðingu fjarskipta í sveitarfélaginu í kjölfar þess að slökkt var á 2G og 3G sendum. Múlaþing er víðfeðmt þar sem fjallvegir, firðir, hálendi og fjölsóttir ferðamannastaðir setja sitt mark á samgöngur og búsetu og eru örugg fjarskipti þar grundvallarþáttur almannaöryggis.

Byggðaráð furðar sig á að Fjarskiptastofa hafi heimilað útfösun 2G og 3G við þessar aðstæður. Með þeirri ákvörðun varð Ísland fyrsta ríkið í Evrópu til að slökkva á þessum kerfum áður en tryggt hafði verið að nýrri kerfi tækju við. Þær aðstæður skapa samhliða óviðunandi hættuástand fyrir íbúa og ferðamenn.

Byggðaráð bendir á að markmið laga um fjarskipti sé að tryggja örugg, hagkvæm og skilvirk fjarskipti um land allt. Fjarskiptastofa ber einnig, í samstarfi við almannavarnir, lagaskyldu til að stuðla að öryggi fjarskiptainnviða og almannaöryggi.

Byggðaráð Múlaþings krefst þess að innviðaráðuneytið, Fjarskiptastofa og fjarskiptafyrirtækin geri sameiginlegt áhættumat á áhrifum skertrar fjarþjónustu á öryggi íbúa, ferðamanna og viðbragðsaðila. Ráðist verði tafarlaust í úrbætur þar sem þjónustan stenst ekki kröfur um örugg fjarskipti.

Á og í nágrenni Borgarfjarðar hefur símasamband snarversnað eftir að slökkt var á 2G og 3G. Símasamband er slitrótt við Borgarfjarðarhöfn og á miðum við Borgarfjörð. Símasamband er nánast ekkert í innsveitum Borgarfjarðar. Símasamband var stórbætt fyrir nokkrum árum á Vatnsskarði, í Njarðvík og Njarðvíkurskriðum þegar nýjum sendi var komið fyrir í Njarðvík, en er nú orðið slitrótt aftur. Þá hefur "dauðum blettum" fjölgað við Borgarfjarðarveg nr. 94 við þessa lokun.

Heimastjórn Borgarfjarðar tekur undir kröfur byggðaráðs um tafarlausar úrbætur í fjarskiptum þar sem öryggi fólks er stórlega skert eftir að slökkt var á 2G og 3G farsímakerfunum.

Samþykkt samhljóða án atkvæðagreiðslu.

Þegar hafist var handa kom í ljós að bryggjan er í mun verra ástandi en áður var talið og ekki mun reynast hægt að byggja utan um hana eins og til stóð heldur þarf að endurbyggja fremsta hluta hennar. Verið er að leggja lokahönd á nýja hönnun og verktakar hafa hreinsað burt ónýta hlutann og tryggt vettvang. Enn er stefnt að verklokum á tilsettum tíma, um áramót.

Heimastjórn hefur áhyggjur af því hve verkið hefur dregist inn í haustið en bindur vonir við að það gangi hratt og örugglega fyrir sig.

Samþykkt samhljóða án atkvæðagreiðslu.

Heimastjórn þakkar bréfriturum erindið.
Skýrt fyrirkomulag um frágang og þrif á húsi, ásamt gjaldskrá, má nálgast á heimasíðu sveitarfélagsins, sjá hér: https://www.mulathing.is/is/stjornsysla/fjarmal/gjaldskrar#fjardarborg. Heimastjórn tekur undir mikilvægi þess að þrifum og frágangi sé fylgt vel eftir, sem og að á milli notenda og Múlaþings sé skýrt samkomulag um afnot af húsi hverju sinni. Til að bóka húsið fyrir viðburði eða samkomur má hafa samband við fulltrúa sveitarstjóra á Borgarfirði í gegnum netfangið alda.kristinsdottir@mulathing.is.
Sem húsnefnd Fjarðarborgar harmar heimastjórnin þau óþægindi sem þetta kann að hafa valdið og vonar að nú þegar framkvæmdum er svo gott sem lokið geti allir notendur gengið að húsinu í viðunandi ástandi hverju sinni.

Samþykkt samhljóða án atkvæðagreiðslu.

Lagt fram til kynningar.

Heimastjórn Borgarfjarðar felur starfsmanni að vinna málið áfram í samráði við umsækjanda og vísar erindinu til umhverfis- og framkvæmdaráðs.

Samþykkt samhljóða án atkvæðagreiðslu.

Heimastjórn Borgarfjarðar, sem náttúruverndarnefnd, þakkar NAUST erindið og jafnframt fyrir það mikilvæga framlag sem samtökin vinna í þágu náttúrunnar.
Heimastjórn tekur undir að vaxandi útbreiðsla ágengra plöntutegunda er vandamál víða. Á Borgarfirði hafa íbúar haft áhyggjur, meðal annars af útbreiðslu lúpínu og kerfils í bæjarlandinu.

Samþykkt samhljóða án atkvæðagreiðslu.