Umsókn um framkvæmdaleyfi, Svörtu Sandar, vegslóði og bílastæði

Fyrir liggur umsókn um framkvæmdaleyfi fyrir gerð nýs vegslóða og bílastæða við Svörtu Sanda á Búlandsnesi.
Framkvæmdin er í samræmi við skilmála aðalskipulags en ekkert deiliskipulag er í gildi og liggur fyrir ráðinu að taka afstöðu til grenndarkynningar.
Umsögn náttúruverndarndarnefndar liggur fyrir þar sem athygli er vakin á því að framkvæmdir hefjist ekki fyrr en eftir 15. júlí þegar varptíma er lokið.

Grenndarkynningu fyrirhugaðra áforma um gerð bílastæðis og vegslóða út á sanda á Búlandsnesi lauk þann 17. júní síðastliðinn. Þrettán athugasemdir bárust í gegnum Skipulagsgátt og liggur fyrir umhverfis- og framkvæmdaráði að taka afstöðu til þeirra.

Á 188. fundi umhverfis- og framkvæmdaráð var afgreiðslu grenndarkynningar frestað, en ráðið óskað eftir því að fá umsagnir frá Isavia innanlandsflugvöllum ohf. og Norlandair vegna notkunargildis flugbrautarinnar með hliðsjón af hlutverki hennar til sjúkraflutninga.

Umsagnir beggja aðila liggja nú fyrir. Málið er því lagt fyrir umhverfis- og framkvæmdaráð að nýju til afgreiðslu. Fyrir ráðinu liggur að taka afstöðu til fyrirhugaðrar framkvæmdar, með hliðsjón af athugasemdum sem bárust við grenndarkynningu og fyrirliggjandi umsögnum Isavia Innanlandsflugvalla ohf. og Norlandair.