Umhverfis- og framkvæmdaráð Múlaþings

Framkvæmda- og umhverfismálastjóri fór yfir lista yfir lausar byggingarlóðir í Múlaþingi, útreikning gatnagerðargjalda og afslætti.

Eftirfarandi tillaga lögð fram:
Umhverfis- og framkvæmdaráð felur framkvæmda- og umhverfismálastjóra að leggja fram drög að breytingum á afslætti af gatnagerðargjöldum til þess að sníða af þeim helstu vankanta sem komið hafa fram.

Samþykkt samhljóða með handauppréttingu.

Framkvæmda- og umhverfismálastjóri kynnti tillögur að breytingu á fjárfestingaáætlun. Lagðar eru til eftirfarandi breytingar:

Sparkvöllur á Egilsstöðum-suðursvæði, 2 milljónir til að koma hitaspíral í völlinn, tekið af liðnum "Annað óskilgreint".
Egilsstaðaskóli sérúrræði, tekið af liðunum "Annað óskilgreint" 1 milljón og "Íþróttamiðstöð Egilsstöðum útisturtur" 3 milljónir.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi tillögu að breytingum á fjárfestingaáætlun ársins 2021.

Samþykkt samhljóða með handauppréttingu.

Fyrir umhverfis- og framkvæmdaráði liggur erindi frá áhugahópi um uppbyggingu fjölbýlishúss fyrir eldri borgara með aðstöðu fyrir sameiginlega þjónustu.

Eftirfarandi tillaga lögð fram:
Umhverfis- og framkvæmdaráð fagnar hugmyndum hópsins og felur skipulagsfulltrúa að vera áfram í sambandi við hann um næstu skref. Að mati ráðsins er við verkefnið meðal annars hægt að horfa til nýs skipulags miðbæjar, breytinga á skipulagi Norðvestursvæðis Egilsstaða, í nágrenni við Blómvang og fleiri svæða á Egilsstöðum.

Samþykkt samhljóða með handauppréttingu.

Fyrir liggur tillaga að deiliskipulagi fyrir reit Gamla Frystihússins á Borgarfirði.

Eftirfarandi tillaga lögð fram:
Umhverfis- og framkvæmdaráð samþykkir að fyrirliggjandi tillaga að deiliskipulagi verði auglýst samhliða tillögu að breytingu á aðalskipulagi sama svæðis, sbr. 1. og 2 mgr. 41. gr. laga nr. 123/2010. Málinu er vísað til heimastjórnar Borgarfjarðar til afgreiðslu.

Samþykkt samhljóða með handauppréttingu.

Fyrir umhverfis- og framkvæmdaráði liggur að taka afstöðu til athugasemda og umsagna sem borist hafa við deiliskipulagstillögu.

Í vinnslu.

Fornleifaskráning vegna deiliskipulags í Selskógi lögð fram til kynningar.

Eftirfarandi tillaga lögð fram:
Umhverfis- og framkvæmdaráð felur skipulagsfulltrúa að láta vinna tillögu deiliskipulagsins áfram í samræmi við athugasemdir, umsagnir og fornleifaskráningu svæðisins. Einnig verði hugað að nýrri staðsetningu fyrirhugaðrar göngubrúar. Tillagan í breyttri mynd verður lögð á ný fyrir ráðið.

Samþykkt samhljóða með handauppréttingu.

Fyrir ráðinu liggur að taka afstöðu til auglýsingar um fyrirhugaða framkvæmd á verndarsvæði í byggð.

Eftirfarandi tillaga lögð fram:
Umhverfis- og framkvæmdaráð samþykkir að auglýsa fyrirhugaða framkvæmd í samræmi við ákvæði 4. mgr. 6. gr. laga nr. 87/2015 um verndarsvæði í byggð. Auglýst verði á heimasíðu sveitarfélagsins og í opinberu rými á Djúpavogi. Auglýsingatími verði tvær vikur. Að honum loknum verði málinu vísað til sveitarstjórnar til afgreiðslu.

Samþykkt samhljóða með handauppréttingu.

Fyrir ráðinu liggur umsókn um byggingaráform sem eru tilkynningaskyld. Ekki er í gildi deiliskipulag á svæðinu.

Eftirfarandi tillaga lögð fram:
Umhverfis- og framkvæmdaráð samþykkir að áformin verði grenndarkynnt í samræmi við 1. mgr. 44. gr. sbr. 2. mgr. 43. laga nr. 123/2010. Grenndarkynnt verði fyrir eigendum Dalskóga 5b og 9. Umsagnaraðili eru Brunavarnir á Austurlandi. Umhverfis- og framkvæmdaráð heimilar að stytta kynningartíma í samræmi við 3. mgr. 44. gr. laga nr. 123/2010. Málinu er vísað til heimastjórnar Fljótsdalshéraðs til afgreiðslu.

Samþykkt samhljóða með handauppréttingu.

Fyrir umhverfis- og framkvæmdaráði liggur umsókn frá HEF veitum um framkvæmdaleyfi vegna lagningar ljósleiðara í Hjaltastaðaþinghá og Hróarstungu.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi umsókn um framkvæmdaleyfi, en leggur til að útgáfa þess verði skilyrt við að framkvæmdaraðili afli staðfests samþykkis landeigenda á hverjum stað fyrir framkvæmdinni. Málinu er vísað til heimastjórnar Fljótsdalshéraðs til afgreiðslu og minnt á að heimastjórn tekur einnig afstöðu til matsskyldu framkvæmda í þeim tilfellum sem framkvæmdir falla í c-flokk í reglugerð um mat á umhverfisáhrifum.

Samþykkt samhljóða með handauppréttingu.

Fyrir umhverfis- og framkvæmdaráði liggur umsókn frá HEF veitum um framkvæmdaleyfi vegna lagningar ljósleiðara í Skriðdal.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi umsókn um framkvæmdaleyfi, en leggur til að útgáfa þess verði skilyrt við að framkvæmdaraðili afli staðfests samþykkis landeigenda á hverjum stað fyrir framkvæmdinni. Málinu er vísað til heimastjórnar Fljótsdalshéraðs til afgreiðslu og minnt á að heimastjórn tekur einnig afstöðu til matsskyldu framkvæmda í þeim tilfellum sem framkvæmdir falla í c-flokk í reglugerð um mat á umhverfisáhrifum.

Samþykkt samhljóða með handauppréttingu.

Fyrir liggur umsókn frá Orkufjarskiptum hf. um framkvæmdaleyfi vegna lagningu ljósleiðara að Núpi í Berufirði.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi umsókn um framkvæmdaleyfi, en leggur til að útgáfa þess verði skilyrt við að framkvæmdaraðili afli staðfests samþykkis landeigenda á hverjum stað fyrir framkvæmdinni. Málinu er vísað til heimastjórnar Djúpavogs til afgreiðslu og minnt á að heimastjórn tekur einnig afstöðu til matsskyldu framkvæmda í þeim tilfellum sem framkvæmdir falla í c-flokk í reglugerð um mat á umhverfisáhrifum.

Samþykkt samhljóða með handauppréttingu.

Fyrir ráðinu liggur bréf frá Sigurbirni Snæþórssyni, bónda í Gilsárteigi 2, þar sem hann gerir athugasemd við fyrirhugaða framkvæmd Vegagerðarinnar á endurnýjun Borgarfjarðarvegar.

Eftirfarandi tillaga lögð fram:
Umhverfis- og framkvæmdaráð beinir því til Vegagerðarinnar að fulltrúar hennar og sveitarfélagsins fari í sameiginlega vettvangsferð ásamt bréfritara, þar sem farið verði yfir þær ábendingar sem fram koma í bréfinu.

Samþykkt samhljóða með handauppréttingu.

Fyrir umhverfis- og framkvæmdaráði liggur beiðni um uppsetningu á útilistaverki við Hafnargarðinn á Seyðisfirði.

Eftirfarandi tillaga lögð fram:
Umhverfis- og framkvæmdaráð telur að ekki þurfi að afla sérstaks leyfis umfram almennrar heimildar sveitarfélagsins til að staðsetja verkið á opnu svæði. Ráðið tekur jákvætt í erindið en vísar því til heimastjórnar Seyðisfjarðar til afgreiðslu.

Samþykkt samhljóða með handauppréttingu.

Fyrir umhverfis- og framkvæmdaráði liggur að taka afstöðu til umsóknar um stofnun lóðar út úr landi Stóra-Sandfells 2.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi umsókn og felur skipulagsfulltrúa að vinna málið áfram.

Samþykkt samhljóða með handauppréttingu.

Fyrir umhverfis- og framkvæmdaráði liggur að taka afstöðu til staðfangs í tengslum við landsskipti. Lagt er til að lóðin fái nafnið „Skjól“.

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi umsókn og felur skipulagsfulltrúa að vinna málið áfram.

Samþykkt samhljóða með handauppréttingu.

Fyrir umhverfis- og framkvæmdaráði liggur bókun ungmennaráðs um ærslabelg á Egilsstöðum. Þá greindi verkefnastjóri umhverfismála frá samtölum við aðila sem eru áhugasamir um að koma upp ærslabelg í bænum.

Eftirfarandi tillaga lögð fram:
Umhverfis- og framkvæmdaráð lýsir sig fylgjandi því að fundinn verði staður fyrir ærslabelg á Egilsstöðum og bendir á æskilega staðsetningu við Samfélagssmiðjuna eða í Tjarnargarði næst Safnahúsinu. Málinu er vísað til heimastjórnar Fljótsdalshéraðs til frekari umfjöllunar.

Samþykkt samhljóða með handauppréttingu.

Lagt fram til kynningar.

Lagt fram til kynningar.

Lagt fram til kynningar.

Fundargerð 434. fundar Hafnasambands Íslands lögð fram til kynningar.

Fundargerð 161. fundar Heilbrigðisnefndar Austurlands lögð fram til kynningar.

Fundargerð frá 26. apríl lögð fram til kynningar.

Fundargerð byggingarnefndar frá 15. apríl lögð fram til kynningar.

Fundargerðir nr. 10 og nr. 11 lagðar fram til kynningar.

Fundargerð frá 16. apríl lögð fram til kynningar.