Byggðaráð Múlaþings

Í vinnslu.

Í vinnslu.

Byggðaráð þakkar Hugrúnu fyrir kynninguna og komuna á fundinn.

Lagt fram til kynningar.

Eftirfarandi tillaga lögð fram:
Byggðaráð Múlaþings tekur undir bókanir heimastjórna Fljótsdalshéraðs og Djúpavogs frá 24. og 26. júní 2026.

Byggðaráð lýsir þungum áhyggjum af skerðingu fjarskipta í sveitarfélaginu í kjölfar þess að slökkt var á 2G og 3G sendum. Múlaþing er víðfeðmt þar sem fjallvegir, firðir, hálendi og fjölsóttir ferðamannastaðir setja sitt mark á samgöngur og búsetu og eru örugg fjarskipti þar grundvallarþáttur almannaöryggis.

Byggðaráð furðar sig á að Fjarskiptastofa hafi heimilað útfösun 2G og 3G við þessar aðstæður. Með þeirri ákvörðun varð Ísland fyrsta ríkið í Evrópu til að slökkva á þessum kerfum áður en tryggt hafði verið að nýrri kerfi tækju við. Þær aðstæður skapa samhliða óviðunandi hættuástand fyrir íbúa og ferðamenn.

Byggðaráð bendir á að markmið laga um fjarskipti sé að tryggja örugg, hagkvæm og skilvirk fjarskipti um land allt. Fjarskiptastofa ber einnig, í samstarfi við almannavarnir, lagaskyldu til að stuðla að öryggi fjarskiptainnviða og almannaöryggi.

Byggðaráð Múlaþings krefst þess að innviðaráðuneytið, Fjarskiptastofa og fjarskiptafyrirtækin geri sameiginlegt áhættumat á áhrifum skertrar fjarþjónustu á öryggi íbúa, ferðamanna og viðbragðsaðila. Ráðist verði tafarlaust í úrbætur þar sem þjónustan stenst ekki kröfur um örugg fjarskipti.

Sveitarstjóra falið að koma bókuninni á framfæri við innviðaráðuneytið og Fjarskiptastofu.

Samþykkt samhljóða án atkvæðagreiðslu.

Eftirfarandi tillaga lögð fram:
Byggðaráð Múlaþings lýsir yfir þungum áhyggjum og andstöðu við útgefna reglugerð mennta- og barnamálaráðuneytisins er varðar þjónustu við börn með fjölþættan vanda.

Byggðaráð telur það með öllu óásættanlegt að ráðuneytið hafi einhliða þrengt skilgreininguna á þeim hópi sem reglugerðin tekur til. Með þessari ráðstöfun er vegið alvarlega að grunni þess samkomulags sem ríki og sveitarfélög undirrituðu 19. mars 2025, þar sem skýrt var kveðið á um breytta ábyrgðarskiptingu þar sem ríkið skyldi taka að sér framkvæmd og fjármögnun sérhæfðrar þjónustu við þennan viðkvæma hóp barna.

Byggðaráð Múlaþings lýsir yfir fullum stuðningi við baráttu Sambands íslenskra sveitarfélaga í málinu og krefst þess að mennta- og barnamálaráðuneytið endurskoði eða afturkalli umrædda reglugerð án tafar, og sett verði ný reglugerð sem samræmist í hvívetna efni og anda samkomulagsins frá 19. mars 2025.

Sveitarstjóra falið að koma bókun þessari á framfæri við mennta- og barnamálaráðuneytið.

Samþykkt samhljóða án atkvæðagreiðslu.

Eftirfarandi tillaga lögð fram:
Byggðaráð Múlaþings þakkar fyrir erindið og samþykkir að málað verði ofan í regnbogafánann sem þegar er til staðar á gangstétt meðfram Fagradalsbraut.

Samþykkt samhljóða án atkvæðagreiðslu.

Eftirfarandi tillaga lögð fram:
Byggðaráð Múlaþings tekur undir erindi Nýrnafélagsins um knýjandi þörf á að koma á fót blóðskilunarþjónustu á Egilsstöðum.

Nýrnafélagið leggur í erindi sínu áherslu á að blóðskilun sé nauðsynleg og íþyngjandi meðferð sem sjúklingar þurfa að sækja reglulega, allt að þrisvar í viku. Núverandi fyrirkomulagi sé þannig háttað að sjúklingar búsettir á Egilsstöðum og nágrenni þurfi að ferðast um langan veg til Neskaupstaðar eða dvelji vikum og mánuðum saman á sjúkrahóteli í Reykjavík, fjarri fjölskyldu og stuðningsneti sínu. Þetta feli í sér gríðarlega skerðingu á lífsgæðum einstaklinganna og valdi miklu óöryggi þar sem samgöngur milli þéttbýlisstaða á Austurlandi eru mjög háðar færð og veðri.

Byggðaráð tekur undir áhyggjur Nýrnafélagsins og bendir á að samkvæmt lögum um heilbrigðisþjónustu er það yfirlýst markmið að tryggja öllum landsmönnum aðgang að fullkomnustu heilbrigðisþjónustu sem unnt er að veita á hverjum tíma. Þá eiga sjúklingar rétt á jafnræði og að þjónustan sé veitt á viðeigandi þjónustustigi eins nálægt heimabyggð og unnt er.

Byggðaráð leggur því ríka áherslu á að unnið verði að aukinni uppbyggingu heilbrigðisþjónustu og sérhæfðs tækjabúnaðar á heilsugæslunni á Egilsstöðum til að veita íbúum betri þjónustu sem sé einnig í samræmi við aukið hlutverk heilsugæslunnar á Egilsstöðum í bráðaþjónustu. Óviðunandi er að íbúar þurfi í miklum mæli að sækja grunn- og sérfræðiþjónustu af svæðinu ásamt tilheyrandi rannsóknum og myndatökum sem með auðveldum og hagkvæmum hætti ætti að leysa á Egilsstöðum.

Fjármagn í tækjakost og mönnun mun bæði spara ferðakostnað einstaklinga sem greiddur er af ríkinu við að sækja heilbrigðisþjónustu fjarri heimabyggð og suður til Reykjavíkur ásamt því að stytta viðbragðstíma í veikindum sem getur verið lífsógnandi.

Byggðaráð skorar á heilbrigðisráðherra og yfirstjórn Heilbrigðisstofnunar Austurlands að hefja þegar í stað markvissa vinnu og undirbúning að því að koma á fót blóðskilunarþjónustu á Egilsstöðum ásamt kaupum á nauðsynlegum tækjakosti til að standa vörð um líf og heilsu íbúa.

Sveitarstjóra falið að koma bókuninni á framfæri við heilbrigðisráðherra og Heilbrigðisstofnun Austurlands með ósk um fund.

Samþykkt samhljóða án atkvæðagreiðslu.

Eftirfarandi tillaga lögð fram:
Með tilnefningu heimastjórnar Seyðisfjarðar er endurskipun samráðshópsins lokið fyrir yfirstandandi kjörtímabil. Samráðshópinn skipa því eftirfarandi kjörnir fulltrúar:

Þórhildur Katrín Stefánsdóttir (tilnefnd af byggðaráði)
Ásrún Mjöll Stefánsdóttir (tilnefnd af byggðaráði)
Margrét Guðjónsdóttir (tilnefnd af heimastjórn Seyðisfjarðar).

Samþykkt samhljóða án atkvæðagreiðslu.

Eftirfarandi tillaga lögð fram:
Byggðaráð Múlaþings samþykkir að skipa Rannveigu Þórhallsdóttur fornleifafræðing og Áskel Heiðar Ásgeirsson ferðamálafræðing sem aðalmenn og varamenn verða Elsa Guðný Björgvinsdóttir deildarstjóri menningarmála, og Ingvi Örn Þorsteinsson hönnuður.

Samþykkt samhljóða án atkvæðagreiðslu.

Lagt fram til kynningar.

Lagt fram til kynningar.

Lagt fram til kynningar.