Fara í efni

Byggðaráð Múlaþings

205. fundur 17. nóvember 2026 kl. 08:30 - 12:36 í fjarfundi
Nefndarmenn
  • Eiður Ragnarsson varaformaður
  • Þórhildur Katrín Stefánsdóttir aðalmaður
  • Ásrún Mjöll Stefánsdóttir aðalmaður
  • Lárus Bjarnason aðalmaður
  • Hólmfríður Rut Einarsdóttir áheyrnarfulltrúi
  • Ívar Karl Hafliðason varamaður
Starfsmenn
  • Dagmar Ýr Stefánsdóttir sveitarstjóri
  • Ingvar Rafn Stefánsson sviðsstjóri fjármála
  • Hlynur Jónsson sviðsstjóri stjórnsýslu
Fundargerð ritaði: Hlynur Jónsson sviðsstjóri stjórnsýslu
Hlynur Jónsson, sviðsstjóri stjórnsýslu, vék af fundi undir lið 4 og ritaði sveitarstjóri fundargerð undir þeim lið.

1.Fjármál 2026

Málsnúmer 202601001Vakta málsnúmer

Sveitarstjóri og sviðsstjóri fjármála fóru yfir og kynntu mál er varða rekstur og fjármál sveitarfélagsins.

2.Fjárhagsáætlun Múlaþings 2027 til 2030

Málsnúmer 202606136Vakta málsnúmer

Fyrir liggur fjárhagsáætlun Múlaþings fyrir árið 2027, ásamt þriggja ára áætlun 2028 til 2030, sem vísað var frá sveitarstjórn til síðari umræðu í byggðaráði.
Í vinnslu.

3.Rekstur, Langabúð Djúpavogi

Málsnúmer 202607139Vakta málsnúmer

Fyrir liggja umsóknir um rekstur í Löngubúð á Djúpavogi. Þá liggur fyrir minnisblað sveitarstjóra um umsóknirnar sem hafa verið metnar samkvæmt matskvarða í samræmi við útboðslýsingu. Byggðaráð þarf að taka afstöðu til umsóknanna og ákveða við hvern skuli gengið til samninga.
Eftirfarandi tillaga lögð fram:
Byggðaráð Múlaþings þakkar öllum umsækjendum fyrir sýndan áhuga. Byggðaráð samþykkir að ganga til samninga við Voxey Ferðir ehf. um rekstur í Löngubúð á Djúpavogi sem hlaut hæstu einkunn samkvæmt fyrirliggjandi mati. Sveitarstjóra falið að ganga frá samningi og leggja hann fyrir byggðaráð til staðfestingar.

Samþykkt samhljóða án atkvæðagreiðslu.

4.Tjaldsvæðið á Egilsstöðum

Málsnúmer 202611016Vakta málsnúmer

Fyrir liggur úrskurður úrskurðarnefndar umhverfis- og auðlindamála frá 29. október 2026 í máli nr. UUA2606013 um ákvörðun heilbrigðisnefndar Austurlands frá 28. maí 2026 um að gefa út starfsleyfi fyrir tjald- og hjólhýsasvæði við Kaupvang 17 á Egilsstöðum. Þá liggur fyrir erindi Austurfarar ehf., núverandi rekstraraðila á tjaldsvæðinu, til byggðaráðs. Inn á fundinn undir þessum lið mæta Heiður Vigfúsdóttir, framkvæmdastjóri Austurfarar ehf., Alda Marín Kristinsdóttir, verkefnastjóri atvinnumála, og Sóley Valdimarsdóttir, verkefnastjóri skipulagsmála.
Eftirfarandi tillaga lögð fram:
Byggðaráð samþykkir að fela sveitarstjóra og verkefnastjóra atvinnumála að ræða við rekstaraðila tjaldsvæðisins um mögulegar leiðir til að fá nýtt starfsleyfi fyrir tjaldsvæðisreksturs við Kaupvang 17 á Egilsstöðum.

Samþykkt samhljóða án atkvæðagreiðslu.

5.Tjaldsvæðið á Seyðisfirði

Málsnúmer 202609077Vakta málsnúmer

Fyrir liggur umsögn heimastjórnar Seyðisfjarðar, sem samþykkt var á fundi hennar 5. nóvember 2026, um framtíðarfyrirkomulag tjaldsvæðisins á Seyðisfirði. Inn á fundinn undir þessum lið mætir Alda Marín Kristinsdóttir, verkefnastjóri atvinnumála.
Eftirfarandi tillaga lögð fram:
Byggðaráð Múlaþings felur sveitarstjóra að útbúa gögn um útboð á rekstri tjaldsvæðisins á Seyðisfirði í samræmi við umræður á fundinum og leggja fyrir byggðaráð til samþykktar.

Samþykkt samhljóða án atkvæðagreiðslu.

6.Almenningssamgöngur í Múlaþingi

Málsnúmer 202406020Vakta málsnúmer

Fyrir liggur bókun heimastjórnar Borgarfjarðar frá 5. nóvember 2026 vegna endurskoðunar Vegagerðarinnar á leiðakerfi landsbyggðarstrætó á Austurlandi. Inn á fundinn undir þessum lið mætir Alda Marín Kristinsdóttir, fulltrúi sveitarstjóra á Borgarfirði.
Eftirfarandi tillaga lögð fram:
Byggðaráð Múlaþings þakkar Öldu Marín fyrir góða kynningu og komuna á fundinn.

Byggðaráð tekur undir bókun heimastjórnar Borgarfjarðar og lýsir yfir miklum vonbrigðum með að leiðin milli Borgarfjarðar og Egilsstaða sé ekki hluti af endurskoðuðu leiðakerfi landsbyggðarstrætó á Austurlandi. Múlaþing varð til við sameiningu sveitarfélaga og samgöngur á milli byggðakjarna eru forsenda þess að sameiningin skili íbúum tilætluðum ávinningi. Byggðaráð telur óeðlilegt að akstur á milli byggðakjarna í dreifbýlu fjölkjarnasveitarfélagi sé skilgreindur sem innanbæjarakstur. Ríkið hefur hvatt til sameiningar sveitarfélaga og þá er ekki hægt að færa ábyrgð á almenningssamgöngum á milli byggðarlaga yfir á sveitarfélagið.

Byggðaráð felur sveitarstjóra að koma þessari afstöðu á framfæri við Vegagerðina og innviðaráðuneytið og óska eftir því að ákvörðunin verði endurskoðuð. Jafnframt felur byggðaráð sveitarstjóra að láta greina kosti til að tryggja almenningssamgöngur milli Borgarfjarðar og Egilsstaða eftir að verkefninu lýkur 31. mars 2027, ásamt áætluðum kostnaði. Greiningin verði lögð fyrir byggðaráð.

Samþykkt samhljóða án atkvæðagreiðslu.

7.Minnisblað Vegagerðarinnar vegna Seyðisfjarðarvegar um Fjarðarheiði

Málsnúmer 202610112Vakta málsnúmer

Fyrir liggur minnisblað frá Vegagerðinni til innviðaráðuneytisins um ástand vegar yfir Fjarðarheiði. Málið var tekið fyrir á fundi heimastjórnar Seyðisfjarðar 5. nóvember 2026 sem vísaði því til umfjöllunar í byggðaráði.
Eftirfarandi tillaga lögð fram:
Byggðaráð Múlaþings tekur undir bókun heimastjórnar Seyðisfjarðar. Ástand Seyðisfjarðarvegar um Fjarðarheiði er óviðunandi. Í minnisblaði Vegagerðarinnar kemur fram að vegurinn sé of mjór, missiginn og með kantskemmdum, að slitlag sé lélegt og burði víða ábótavant. Þar kemur líka fram að núverandi vegstæði uppfylli ekki kröfur um langhalla. Vegurinn er eina landleiðin til og frá Seyðisfirði. Hann er jafnframt aðkomuleið að alþjóðlegri ferjuhöfn og landamærastöð á ytri mörkum Schengen-svæðisins. Öruggar samgöngur um heiðina eru því ekki aðeins hagsmunamál íbúa, heldur þjóðarhagsmunamál.

Byggðaráð ítrekar fyrri afstöðu sveitarfélagsins um að Fjarðarheiðargöng verði sett í forgang. Göngin eru fullhönnuð og tilbúin til útboðs. Sú forgangsröðun er í samræmi við Svæðisskipulag Austurlands og sameiginlega afstöðu sveitarfélaga á Austurlandi. Fjarðarheiðargöng eru eina varanlega lausnin á samgöngum við Seyðisfjörð. Engin endurbygging vegarins breytir hæð heiðarinnar, veðurhæð eða snjóþyngslum.

Á meðan beðið er ganga er gríðarlega mikilvægt að tryggð verði fjárveiting til styrkingar og öryggisúrbóta á núverandi vegi, svo hann verði í öruggu og viðunandi ástandi. Vegagerðin metur kostnað við slíkar úrbætur á 2-2,5 milljarða króna. Byggðaráð varar hins vegar eindregið við því að ráðist verði í endurbyggingu vegarins fyrir 6-7 milljarða króna sem staðgengil jarðganga. Slík endurbygging má ekki verða rök fyrir því að fresta Fjarðarheiðargöngum enn frekar. Þeim fjármunum væri betur varið sem framlagi til að hefja gangagerð.

Sveitarstjóra falið að senda bókun byggðaráðs til innviðaráðuneytisins, Vegagerðarinnar og þingmanna Norðausturkjördæmis.

Samþykkt samhljóða án atkvæðagreiðslu.

8.Hléskógar 2-6, 101 - sala eignar

Málsnúmer 202611062Vakta málsnúmer

Fyrir liggur minnisblað frá verkefnastjóra framkvæmdamála, dagsett 6. nóvember 2026, þar sem óskað er eftir samþykki byggðaráðs fyrir því að setja íbúð Múlaþings að Hléskógum 2-6, 101, á Egilsstöðum á söluskrá.
Eftirfarandi tillaga lögð fram:
Byggðaráð Múlaþings samþykkir að íbúð Múlaþings að Hléskógum 2-6, númer 101, fastanúmer 217-5700, á Egilsstöðum verði sett á söluskrá.

Samþykkt með fjórum atkvæðum, einn sat hjá (ÁMS).

9.Miðgarður 3a, sala eignar

Málsnúmer 202611064Vakta málsnúmer

Fyrir liggur minnisblað frá verkefnastjóra framkvæmdamála, dagsett 9. nóvember 2026, þar sem óskað er eftir samþykki byggðaráðs fyrir því að setja íbúð Múlaþings að Miðgarði 3a á Egilsstöðum á söluskrá.
Eftirfarandi tillaga lögð fram:
Byggðaráð Múlaþings samþykkir að íbúð Múlaþings að Miðgarði 3a, fastanúmer 217-6002, á Egilsstöðum verði sett á söluskrá.

Samþykkt með fjórum atkvæðum, einn sat hjá (ÁMS).

10.Reglur um úthlutun menningarstyrkja Múlaþings

Málsnúmer 202611071Vakta málsnúmer

Fyrir liggja tillögur að breytingum á reglum um menningarstyrki Múlaþings.
Í vinnslu.

11.Umsagnarbeiðni, Umsókn um rannsóknarleyfi á jarðhita við Urriðavatn

Málsnúmer 202611070Vakta málsnúmer

Fyrir liggur umsagnarbeiðni frá Umhverfis- og orkustofnun, sem barst 6. nóvember 2026, vegna umsóknar HEF veitna ehf. um leyfi til rannsóknar og leitar að jarðhita við Urriðavatn. Í beiðninni er sveitarfélaginu sem umráðandi lands, Ekkjufellssel 9 L221207, í nágrenni fyrirhugaðs rannsóknarsvæðis veittur kostur á að koma á framfæri athugasemdum við umsóknina.
Eftirfarandi tillaga lögð fram:
Byggðaráð Múlaþings gerir ekki athugasemdir við umsókn HEF veitna ehf. um leyfi til rannsóknar og leitar að jarðhita vegna þess lands sem umsóknin tekur til og er í eigu sveitarfélagsins.

Samþykkt samhljóða án atkvæðagreiðslu.

12.Könnun um kolefnisstjórnunarverkefni sveitarfélaga

Málsnúmer 202610148Vakta málsnúmer

Fyrir byggðarráði liggur bréf umhverfis-, orku- og loftslagsráðuneytisins vegna könnunar um kolefnisstjórnunarverkefni sveitarfélaga.

Könnuninni er ætlað að kanna áhuga sveitarfélaga á þátttöku í slíkum verkefnum og fá fram upplýsingar um forsendur, tækifæri og áskoranir. Könnunin er ekki bindandi.

Svarfrestur er til 20. nóvember 2026.
Eftirfarandi tillaga lögð fram:
Byggðaráð felur verkefnastjóra umhverfismála að vinna drög að svörum Múlaþings við könnuninni. Drögin verði lögð fyrir byggðaráð til afgreiðslu áður en þeim verður skilað. Í svörunum komi fram að þátttaka í könnuninni og lýstur áhugi feli ekki í sér skuldbindingu sveitarfélagsins til þátttöku í einstökum verkefnum eða ráðstöfun fjármuna.

Samþykkt samhljóða án atkvæðagreiðslu.

13.Nýr rammasamningur um höfundaréttargjöld vegna tónflutnings sveitarfélaga

Málsnúmer 202611055Vakta málsnúmer

Fyrir liggur til kynningar rammasamningur STEFs og Samband íslenskra sveitarfélaga vegna opinbers tónflutnings á vegum sveitarfélaga sem var samþykktur 20. október 2026.
Lagt fram til kynningar.

14.Fundargerðir Sambands íslenskra sveitarfélaga 2026

Málsnúmer 202601171Vakta málsnúmer

Fyrir liggur til kynningar fundargerð stjórnar Sambands íslenskra sveitarfélaga frá 30. október 2026.
Lagt fram til kynningar.

Fundi slitið - kl. 12:36.

Getum við bætt efni þessarar síðu?