Sveitarstjórn Múlaþings

Eftirfarandi tillaga lögð fram:
Sveitarstjórn Múlaþings samþykkir að kjörstaðir vegna þjóðaratkvæðagreiðslu 29. ágúst 2026 verði eftirfarandi:

Borgarfjörður: Grunnskólinn á Borgarfirði. Djúpivogur: Tryggvabúð Djúpavogi. Fljótsdalshérað: Menntaskólinn á Egilsstöðum. Seyðisfjörður: Íþróttamiðstöðin á Seyðisfirði.

Jafnframt samþykkir sveitarstjórn að kjördeildir við atkvæðagreiðsluna verði fimm talsins, þar af tvær á Fljótsdalshéraði. Kjördeildirnar á Fljótsdalshéraði skiptast þannig: Í kjördeild 1 verða íbúar á Egilsstöðum sem búa við götur, hverra nöfn byrja á bókstafnum A til og með bókstafnum M. Í kjördeild 2 verða íbúar á Egilsstöðum sem búa við götur hverra nöfn byrja á bókstafnum N til og með bókstafnum Ö, íbúar í Fellabæ, Eiðum og Hallormsstað og íbúar í dreifbýli á Fljótsdalshéraði.

Sveitarstjórn samþykkir að óska eftir því við sýslumann að hægt verði að kjósa utan kjörfundar í atkvæðagreiðslunni á skrifstofum sveitarfélagsins á Borgarfirði og Djúpavogi, frá og með 13. ágúst til og með 28. ágúst 2026.

Sveitarstjórn Múlaþings samþykkir að óska eftir því við sýslumann að kjörstjórar vegna utankjörfundaratkvæðagreiðslu verði Alda Marín Kristinsdóttir, Anna Margrét Jakobsdóttir Hjarðar og Þórunn Ólafsdóttir á Borgarfirði og Rúnar Matthíasson og Greta Mjöll Samúelsdóttir á Djúpavogi.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn Múlaþings samþykkir eftirfarandi lista fulltrúa í yfirkjörstjórn Múlaþings og kjörstjórnir á Borgarfirði, Djúpavogi, Fljótsdalshéraði og Seyðisfirði:

Eftirtaldir einstaklingar skipi yfirkjörstjórn Múlaþings. Aðalmenn: Stefán Þór Hauksson, Arna Soffía Dal Christiansen, Ásdís Þórðardóttir. Varamenn: Ólöf Ólafsdóttir, Unnur Óskarsdóttir, Alda Marín Kristinsdóttir.

Eftirtaldir einstaklingar skipi undirkjörstjórnir í Múlaþingi:

Fljótsdalshérað, kjördeild 1. Aðalmenn: Lovísa Hreinsdóttir, Eydís Bjarnadóttir, Jón Hávarður Jónsson. Varamenn: Maríanna Jóhannsdóttir, Bára Dögg Þórhallsdóttir, Aron Thorarensen.

Fljótsdalshérað, kjördeild 2. Aðalmenn: Inga Rós Unnarsdóttir, Vignir Elvar Vignisson, Bogi Kárason. Varamenn: Baldur Grétarsson, Guðmundur Sveinsson Kröyer, Anna Dís Jónsdóttir.

Borgarfjörður eystra. Aðalmenn: Lindsey Suzanne Lee, Sigurlaug Margrét Bragadóttir, Eyþór Stefánsson. Varamenn: Þórunn Ólafsdóttir, Anna Margrét Jakobsdóttir Hjarðar, Óttar Már Kárason.

Djúpivogur. Aðalmenn: Egill Egilsson, Kristrún Gunnarsdóttir, Ólöf Vilbergsdóttir. Varamenn: Sóley Dögg Birgisdóttir, Unnþór Snæbjörnsson, Ragnar Björn Ingason.

Seyðisfjörður. Aðalmenn: Margrét Urður Snorradóttir, Þorsteinn Sotti Arason, Sigrún Rósa Björnsdóttir. Varamenn: Sigurður Snæbjörn Stefánsson, Elena Pétursdóttir, Sigurður Högni Sigurðsson.

Samþykkt samhljóða með handauppréttingu.

Til máls tók: Einar Freyr Guðmundsson.

Eftirfarandi tillaga lögð fram:
Sveitarstjórn Múlaþings tekur undir bókun heimastjórnar Seyðisfjarðar og harmar þau svik sem raungerst hafa með nýsamþykktri samgönguáætlun Alþingis. Þar er ekki einvörðungu farið á bak við gefin fyrirheit stjórnvalda í aðdraganda sameiningar Múlaþings heldur er einu, fullhönnuðu og rannsökuðu jarðgöngum landsins hent út af áætluninni. Að baki liggur áratuga undirbúningsvinna, rannsóknir og hönnun með kostnaði fyrir ríki og sveitarfélag upp á milljarð króna.

Framganga stjórnvalda er grafalvarleg þar sem vegið er að trausti til þeirrar stefnumarkandi vinnu sem samgönguáætlun er ætlað að vera. Með slíku fordæmi verður vart hægt að taka mark á langtímaáætlun stjórnvalda héðan í frá.

Fjarðarheiðargöng eru öryggismál fyrir landið allt auk þess að vera gátt Íslands til Evrópu. Þá eru göngin fyrsti áfangi í hringtengingu samgangna á Austurlandi til eflingar atvinnulífs og samfélags.

Sveitarstjórn mun ekki una vinnubrögðum Alþingis sem rýrir verulega traust til löggjafarvaldsins.

Sveitarstjórn fordæmir að meirihluti umhverfis- og samgöngunefndar hafi lagt blessun sína yfir vinnubrögð ráðherra og viðurkenni þar með að verkefni á framkvæmdahluta áætlunar séu tekin af borðinu. Sveitarstjórn mun vinna áfram ötullega að því að koma Fjarðarheiðargöngum í útboð.

Sveitarstjórn Múlaþings felur sveitarstjóra að koma bókuninni auk fylgigagna á framfæri við þingmenn og ráðherra.

Samþykkt samhljóða með handauppréttingu.

Til máls tóku: Eiður Ragnarsson, Berglind Harpa Svavarsdóttir, Helgi Hlynur Ásgrímsson.

Eftirfarandi tillaga lögð fram:
Sveitarstjórn Múlaþings tekur undir bókun heimastjórnar Djúpavogs frá 26. júní 2026 og bendir á að fyrirhuguð tilfærsla á fjármagni flýtir ekki heildarframkvæmd verkefnisins. Það er því ljóst að miðað við núverandi áætlun muni taka að lágmarki 8 ár að klára þessa mikilvægu samgöngubót sem er fullkomlega óviðunandi.

Einnig vill sveitarstjórn benda á að viðhald og þjónusta á núverandi vegi sé í algjörum ólestri, enn hafi vegurinn ekki verið heflaður þrátt fyrir að komið sé fram í lok júní og verulega skortir á ofaníburð á löngum köflum.

Sveitarstjóra er falið að óska eftir fundi með Vegagerðinni um málið fyrir hönd sveitarstjórnar og fulltrúa heimastjórna.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn Múlaþings samþykkir fyrirliggjandi brunavarnaáætlun slökkviliðs Múlaþings 2026 til 2031.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn Múlaþings samþykkir fyrirliggjandi samninga um refa- og minkaveiði í Múlaþingi. Sveitarstjórn felur verkefnastjóra umhverfismála að ganga frá samningunum fyrir hönd sveitarfélagsins.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn Múlaþings samþykkir fyrirliggjandi fundadagatal sveitarstjórnar, fagráða og heimastjórna tímabilið júní 2026 til maí 2027.

Samþykkt samhljóða með handauppréttingu.

Til máls tók: Jónína Brynjólfsdóttir.

Eftirfarandi tillaga lögð fram:
Sveitarstjórn Múlaþings samþykkir fyrirliggjandi tillögur um breytingar á stjórnskipulagi grunnskóla Múlaþings fyrir skólaárið 2026 til 2027.

Samþykkt samhljóða með handauppréttingu.

Til máls tóku: Berglind Harpa Svavarsdóttir, Einar Freyr Guðmundsson, Ásrún Mjöll Stefánsdóttir, Berglind Harpa sem svaraði Ásrúnu Mjöll, Jónína Brynjólfsdóttir, Ásrún Mjöll til andsvara, Berglind Harpa, Helgi Hlynur Ásgrímsson, Þórhildur Katrín Stefánsdóttir, Eiður Ragnarsson, Berglind Harpa sem svaraði Helga Hlyni.

Eftirfarandi tillaga lögð fram:
Sveitarstjórn felur sveitarstjóra og byggðaráði að vinna tillögur að endurskoðun stjórnskipulags Múlaþings með það að markmiði að einfalda stjórnsýslu, auka skilvirkni og stuðla að hagræðingu í rekstri.

Í þeirri vinnu skal meðal annars leggja mat á fjölda fulltrúa í sveitarstjórn, ráðum og nefndum, fyrirkomulagi heimastjórna með hliðsjón af lokum núverandi heimilda árið 2028 og yfirfara starfskjör kjörinna fulltrúa með hliðsjón af starfskjörum í sambærilegum sveitarfélögum.

Samþykkt samhljóða með handauppréttingu.

Til máls tóku: Helgi Hlynur Ásgrímsson, Berglind Harpa Svavarsdóttir, Helgi Hlynur sem svaraði Berglindi Hörpu, Jónína Brynjólfsdóttir, Ásrún Mjöll Stefánsdóttir, Eiður Ragnarsson, Jónína Brynjólfsdóttir.

Eftirfarandi tillaga lögð fram af hálfu Helga Hlyns:
Sveitarstjórn Múlaþings samþykkir að breyta 2. málsl. 8. gr. reglna um starfskjör kjörinna fulltrúa hjá Múlaþingi þannig að þóknun formanna fastanefnda lækki úr 7,5% af grunni í 5,0% af grunni fyrir hvern setinn fund.

Eftir breytinguna orðast 8. gr. reglnanna svo:
„Fyrir hvern setinn fund í fastanefndum sveitarfélagsins og heimastjórnum, sbr. b- og c-lið 3. gr., er greidd þóknun sem nemur 3% af grunni. Formaður fastanefndar þiggur 5,0% af grunni fyrir hvern fund.“

Breyting þessi tekur gildi 1. september 2026.

Tillagan er felld með 9 atkvæðum, 1 sat hjá (ÁMS), 1 samþykkti tillöguna (HHÁ).

Eftirfarandi tillaga lögð fram af hálfu meirihluta:
Með vísan til bókunar undir lið 7 um stjórnskipulag Múlaþings er tillögu um breytingu á starfskjörum formanna fastanefnda Múlaþings vísað inn í þá vinnu sem þar er fyrirhuguð af hálfu sveitarstjóra og byggðaráðs.

Samþykkt samhljóða með handauppréttingu.

Eftirfarandi tillaga lögð fram:
Sveitarstjórn Múlaþings samþykkir að sumarleyfi sveitarstjórnar verði frá fundi hennar 1. júlí 2026 til og með 1. ágúst 2026. Byggðaráð Múlaþings mun fara með fullnaðarafgreiðslu mála þann tíma, samanber 32. grein samþykkta um stjórn Múlaþings. Fyrsti fundur sveitarstjórnar að afloknu sumarleyfi verði haldinn 12. ágúst 2026.

Samþykkt samhljóða með handauppréttingu.

Lagt fram til kynningar.

Til máls tóku: Ásrún Mjöll Stefánsdóttir um lið 3, Eiður Ragnarsson um lið 3, Ívar Karl Hafliðason um lið 3, Dagmar Ýr Stefánsdóttir um lið 3.

Lagt fram til kynningar.

Til máls tóku: Ásrún Mjöll Stefánsdóttir um lið 13, Eiður Ragnarsson um liði 8, 9 og 13, Ívar Kafl Hafliðason um liði 12 og 14.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Til máls tók: Ásrún Mjöll Stefánsdóttir um lið 11

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.