Yfirlit frétta

Styrktarsjóður Snorra Gíslasonar frá Papey auglýsir eftir umsóknum um námsstyrk. Samkvæmt skipulagsskrá sjóðsins er markmið hans „að styrkja ungt fólk úr gamla Djúpavogshreppi til náms. Styrkir skulu veittir nemum á aldrinum 18 – 25 ára með búsetu í gamla Djúpavogshreppi til náms á framhaldsskólastigi. Sérstaklega skal horft til náms sem getur mögulega komið samfélaginu í gamla Djúpavogshreppi til góða“. Tekið er á móti umsóknum bæði fyrir staðnám og fjarnám.

Mögulega verða rafmagnstruflanir á Vopnafirði, Borgarfirði, Héraði, Seyðisfirði og Mjóafirði 02.09.2021 frá kl. 08:00 til kl. 18:00 vegna vinnu hjá Landsneti. Umrætt svæði verður rofið frá landshringnum og keyrt á virkjunum svæðisins.

Verkráð, f.h. Múlaþings, auglýsir eftir tilboðum í loftræstingu og í pípulagnir fyrir Sláturhús Menningarmiðstöð.

Vegna uppákomunnar í Dalseli á Egilsstöðum í gærkvöldi verður opin áfallamiðstöð í Egilsstaðaskóla milli klukkan 16 og 18 í dag. Þar veitir Rauði krossinn sálrænan stuðning og -skyndihjálp.

Vegna starfmanna- og fræðsluferðar starfsfólks skrifstofa Múlaþings verður skrifstofum sveitarfélagsins lokað fimmtudaginn 26. ágúst. Skrifstofurnar verða aftur opnar á hefðbundnum tíma frá og með föstudeginum.

Í dag, þriðjudaginn 24. ágúst, er búist við að Hálslón ofan Fjótsdalsstöðvar fyllist. Lónið fer þá á yfirfall, sem þýðir að Jökulsá á Dal neðan virkjunar verður vatnsmikil, straumhörð og gruggug, þar á meðal í Stuðlagili.

Múlaþing hyggur á framkvæmdir við félagsheimilið Fjarðarborg á Borgarfirði eystri sem styrkja munu umgjörð byggingarinnar sem samfélagsmiðstöðvar. Henni er ætlað að efla atvinnu- og menntunarmöguleika á svæðinu og stuðla að markaðssetningu Borgarfjarðar sem áhugaverðum búsetukosti.

Útgáfa Rb-blaðanna hefur færst frá Nýsköpunarmiðstöð Íslands yfir til Húsnæðis- og mannvirkjastofnunar (HMS). Hingað til hafa flest blöðin einungis verið aðgengileg í áskrift en HMS hefur opnað fyrir aðgengi að þeim öllum og nú er hægt að nálgast eldri útgáfur á heimasíðu HMS.

Starf Garðyrkjustjóra Múlaþings var auglýst í byrjun júlí og rann umsóknarfrestur út 5. ágúst síðast liðinn. Fjórar umsóknir bárust. Ákveðið hefur verið að ráða Jón Kristófer Arnarson garðyrkjufræðing í starfið. Jón er Austfirðingum kunnur en hann bjó og starfaði um árabil á Austurlandi.

Á Austurlandi eru nú 7 í einangrun og 58 í sóttkví. Töluverður fjöldi er í sóttkví og verður það áfram þar til seinni sýnatakan fer fram. Vonir standa til að tekist hafi að koma í veg fyrir frekari útbreiðslu smita.