Umhverfis- og framkvæmdaráð Múlaþings

Slökkviliðsstjóri og sveitarstjóri sitja fundinn undir þessum lið. Farið yfir helstu verkefni á sviðinu.

Slökkviliðsstjóri og sveitarstjóri sitja fundinn undir þessum lið.
Fyrir liggja fjárhags- og fjárfestingaráætlanir Slökkviliðs Múlaþings fyrir árið 2026.

Hafnarstjóri, yfirhafnarvörður og staðgengill hafnarstjóra sitja fundinn undir þessum lið.
Fyrir liggur erindi frá fulltrúa í ráðinu, ÁMS, þar sem annars vegar er óskað eftir því að tekið verði til skoðunar að setja reglur og viðurlög við notkun kallkerfa og hátalara um borð í skemmtiferðarskipum sem liggja við höfn í sveitarfélaginu. Hins vegar er óskað eftir því að skoðað verði að setja upp mælibúnað til að fylgjast með loftmengun frá skemmtiferðarskipum.

Hafnarstjóri, yfirhafnarvörður og staðgengill hafnarstjóra sitja fundinn undir þessum lið.
Fyrir liggja drög að fjárfestingaráætlun og gjaldskrá hafna Múlaþings.

Hafnarstjóri, yfirhafnarvörður og staðgengill hafnarstjóra sitja fundinn undir þessum lið.
Fyrir liggur fundargerð frá 475. fundi Hafnasambands Íslands.
Jafnframt er lögð fram til kynningar skýrsla sem unnin var fyrir Hafnasamband Íslands og fjallar um fjárfestingar og framtíðaráætlanir hafna á Íslandi.

Hafnarstjóri, yfirhafnarvörður og staðgengill hafnarstjóra sitja fundinn undir þessum lið.
Stjórn Hafnasambands Íslands hefur boðað til 12. hafnafundar, sem haldinn verður 23. október nk. í Ólafsvík. Fyrir ráðinu liggur að skipa fulltrúa til þátttöku í fundinum.

Tekin eru fyrir að nýju drög að endurskoðaðri fjárfestingaráætlun sveitarfélagsins auk umsagna frá þeim ráðum og nefndum sem tekið hafa hana til umfjöllunar.

Fyrir liggja drög að breytingum á gjaldskrá um meðhöndlun og förgun úrgangs í Múlaþingi.

Fyrir liggur tillaga að nýju Aðalskipulagi Múlaþings 2025-2045 sem sett er fram í greinargerð, forsendu- og umhverfismatsskýrslu auk skipulagsuppdrátta. Meðfylgjandi eru jafnframt ýmis fylgiskjöl og skýringaruppdrættir.

Skipulagstillaga fyrir breytingu á deiliskipulagi Egilsstaðaflugvallar vegna nýrra aðflugsljósa var auglýst 9. júlí - 18. ágúst 2025. Fyrir liggja umsagnir sem bárust á auglýsingatíma tillögunnar auk viðbragða við þeim. Skipulagstillagan hefur verið uppfærð með umsagnir til hliðsjónar, en henni hefur ekki verið breytt í grundvallaratriðum.

Fyrir liggur tillaga til auglýsingar, dags. 22. september 2025, fyrir breytingu á deiliskipulagi Egilsstaðaflugvallar vegna nýrra akbrautar.

Fyrir liggur umsagnarbeiðni frá umhverfis- og samgöngunefnd Alþingis um 105. mál: Frumvarp til laga um breytingu á lögum um stefnur og aðgerðaáætlanir á sviði húsnæðis- og skipulagsmála, samgangna og byggðamála, nr. 30/2023 (stefnumörkun). Frestur til að senda inn umsögn er til og með 9. október nk.

Verkefnastjóri umhverfismála situr fundinn undir þessum lið.
Fyrir liggur minnisblað frá Austurbrú um stofnun Úrgangsráðs Austurlands. Stofnun ráðsins er í samræmi við aðgerðaráætlun Svæðisáætlunar um úrgangsmál á Austurlandi sem samþykkt var síðast liðið sumar.

Lögð er fram til kynningar ályktun frá aðalfundi Skógræktarfélags Íslands sem haldinn var í lok ágúst sl.

Skipulagsdagurinn 2025 fer fram þann 23. október, kl. 9-16 í Háteig á Grandhótel og í beinu streymi.
Fagfólk, kjörnir fulltrúar og allt áhugafólk um skipulag er hvatt til að taka þátt.