Yfirlit frétta

// eng // //pol // Enn skriðuhætta á Seyðisfirði og íbúar hvattir til varkárni við Búðará og annars staðar þar sem varnargarðar beina skriðustraumum.

Múlaþing auglýsir til sölu Kubota L245DT, árgerð 1982.

Tom, Dick & Harry verður frumsýnt á Iðavöllum laugardaginn 23. október klukkan 20:00.

Í haust hafa farið fram endurbætur á heitum pottum í Sundlauginni á Egilsstöðum. Þegar farið var að rýna í ástand pottanna kom í ljós að þeir voru verr farnir en búist var við. Við því þarf að bregðast og er nú unnið að því að lagfæra það sem hægt er og skipta út því sem þarf og verða pottarnir dúklagðir að öllu því loknu.

Enn er í gildi óvissustig almannavarna á Seyðisfirði.

Þar sem sólarhringsúrkoma fer ekki yfir þau mörk sem hlíðin hefur áður tekið við frá því skriður féllu í desember síðastliðnum þykir ekki ástæða til rýmingar.

Vel er fylgst með mælum í hlíðum ofan Seyðisfjarðar og viðeigandi ráðstafanir gerðar þyki ástæða til. Engar hreyfingar hafa mælst í hlíðum ofan Seyðisfjarðar utan þeirrar er mælst hefur í hryggnum. Áfram verði aðgæsla vegna umferðar á göngustígum meðfram Búðará og annars staðar þar sem varnargarðar beina skriðustraumum. Enn er í gildi óvissustig almannavarna á Seyðisfirði.

Múlaþing hlaut á dögunum viðurkenningu Jafnvægisvogar Félags kvenna í atvinnulífinu (FKA) en um er að ræða hreyfiaflsverkefni með það markmið að jafna stöðu kynja í efstu stjórnendalögum fyrirtækja, sveitarfélaga og stofnana og er hlutfallið 40/60 haft til hliðsjónar við matið. Eliza Reid kynnti viðurkenningahafa á ráðstefnu sem bar heitið Jafnrétti er ákvörðun í beinni útsendingu á RÚV. Þess má geta að Múlaþing hlaut einnig viðurkenningu Jafnvægisvogarinnar fyrir árið 2020.

Af þessum sökum gæti komið til rýmingar í húsum undir Botnabrún á Seyðisfirði einkum í nágrenni við stóra skriðusárið. Ekki er orðið ljóst hversu viðamikil sú rýming yrði og verður tekin ákvörðum um framhaldið um miðjan dag næstkomandi sunnudag. Fólk er vinsamlegast beðið um að fylgjast með veðurspá og fréttatilkynningum á sunnudaginn.

BRAS- menningarhátíð barna og ungmenna á Austurlandi er nú haldin í fjórða sinn og um allt Austurland. Í ár tengist þema BRAS náttúrunni og umhverfisvernd, en yfirskrift hátíðarinnar að þessu sinni er unga fólkið og umhverfið og byggir á 24.grein barnasáttmála Sameinuðu þjóðanna.